iiinova — where your digital self keeps evolving

Esperaĵo @xn--esperao-tgb.net · 30/06/2026

La traduko de la komikso baziĝis sur la franclingva originalo (publikigita en 2022), tamen la 1935-a esperantigo de la poemo (titolita «Odusseias», de W. J. A. Manders) estis uzita kiel referenco por traduki iujn vortojn.

031 0

Esperaĵo @xn--esperao-tgb.net · 30/06/2026

🌊Okaze de la premiero de la filmo «The Odyssey» de Christopher Nolan, la 17-an de julio en nia retejo aperos la bildrakonta adaptaĵo «Odiseado». Scenaro de Christophe Lemoine, desegnaĵoj de Miguel Lalor Imbiriba.

Malneto de la traduko:

Uliso: «Ni enŝipiĝu nun, kiel eble plej rapide! Ne forgesu, ciklopo, la nomon de tiu, kiu superruzis vin kaj enpuŝis vin en eternan mallumon! Mi estas Uliso, reĝo de Itako kaj detruinto de Trojo!»

Polifemo: «Sciu, mortemulo, ke mi estas filo de la dio Pozidono!»

164 0

Esperaĵo @xn--esperao-tgb.net · 15/06/2026

+kaj oni devis akiri novan kopion por fari la refasonadon ekde la komenco. Tiu ĉi republikigo estas la unua paŝo por pli profesie reeldoni kelkajn el niaj mangaoj. La sekva estos la 6-ĉapitra mangao «Mirai, la estonteco de futbalo».

000 0

Esperaĵo @xn--esperao-tgb.net · 15/06/2026

Oni uzis la japanan originalon kaj la oficialan hispanan tradukon kiel bazojn. La cifereca kopio de la mangao estis aĉetita ĉe la retejo bookwalker.jp. La antaŭa Esperanta eldono uzis senpagan ciferecan kopion el sukima.me, retejo kiu laŭleĝe montris mangaojn en la japana, tamen ĝi ne plu ekzistas+

100 0

Esperaĵo @xn--esperao-tgb.net · 15/06/2026

Finiĝis la refasonado de la 1976-a mangao «Najtingalo sub la noktomeza suno», unue publikigita inter septembro 2023 kaj aprilo 2024. xn--esperao-tgb.net/mangaoj/najt... 📥Krom legeblaj, la 11 ĉapitroj estas nun elŝuteblaj. Ankaŭ eblas elŝuti 220-paĝan bitlibron enhavantan ĉiujn ĉapitrojn.

Esperanta kovrilo de «Najtingalo sub la noktomeza suno» (白夜のナイチンゲール)

En la retpaĝo oni trovos ĉi tiun sciigon, kiu permesas la elŝuton de la 220-paĝa bitlibro.

132 0

Esperaĵo @xn--esperao-tgb.net · 09/02/2026

Ekde nun, ne aperos novaj bildrakontoj ĝis oni refasonos la mangaojn «Najtingalo sub la noktomeza suno» kaj «Maristo Luno». La piktogramo 📥 apud titolo de ĉapitro signifas, ke tiu ĉapitro estas nova refasonita eldono, kaj ke eblas rekte elŝuti ĝin (tio ne estis ebla antaŭe).

Ekrankopio de la paĝo «Najtigalo sub la noktomeza suno», kiu montras la elŝut-piktogramon apud la titolo de la unuaj tri ĉapitroj.

021 0

Esperaĵo @xn--esperao-tgb.net · 09/02/2026

Krom la novaĵo pri «La vojo al Eldorado», ni anoncas, ke ĉiuj sep libroj konsistigantaj la komiksan serion «Carland Cross» jam estas rete legeblaj kaj elŝuteblaj. Kelkajn tagojn antaŭe publikiĝis la lasta bildrakonto «Carland Cross #7: La pendumitoj de Manhatano».

Afiŝo, kiu montras la kovrilojn de la sep libroj de la komiksa serio «Carland Cross»: «La golemo», «La dosiero de Carnarvon», «Tunelo», «Mistero en Lago Ness 1», «Mistero en Lago Ness 2», «La vampiro de kvartalo Shadwell» kaj «La pendumitoj de Manhatano».

151 0

Esperaĵo @xn--esperao-tgb.net · 08/02/2026

NOVAĴO! «La vojo al Eldorado» La senvoĉa sontrako estas preta, la traduko estis reviziita... Kaj komenciĝis la registrado! •Mikaelo: Sejden Dub •Tulio: Mikaelo Kastro •Ĉel: Frances Calceta •Kortes': Santiago Cerveró •Estro Tanabok': Eriko Demaro Kaj aliaj. 👀Estontece aperos antaŭfilmo.

Afiŝo de «La vojo al Eldorado». La du ĉefroluloj rajdas ĉevalon, la ora urbo Eldorado troviĝas malantaŭ ili.

1104 0

Esperaĵo @xn--esperao-tgb.net · 26/12/2025

🔙La 29-an de decembro 2024 publikiĝis la unua volumo el sep («Carland Cross #1: La golemo»). Tiumomente, la prognozo estis, ke oni atingus la sesan aŭ sepan volumon en decembro 2025, do... la celo estis atingita!

002 0

Esperaĵo @xn--esperao-tgb.net · 26/12/2025

📚«Carland Cross #6: La vampiro de kvartalo Shadwell» ĵus publikiĝis! En ĉi tiu vintra aventuro, Carland kaj Andy iros en malriĉulan kvartalon, kie paro da monaĥinoj malaperigas katojn kaj senhejmulojn. xn--esperao-tgb.net/bitlibroj/ca...

Kovrilo de «Carland Cross #6: La vampiro de kvartalo Shadwell». Unu sola monaĥino staras en ĉambro plena de orkoloraj kandelingoj. Ŝia vizaĝo estas nevidebla. Malantaŭ ŝi estas granda fenestro al Londona kvartalo.

143 0

Esperaĵo @xn--esperao-tgb.net · 04/12/2025

📚«Carland Cross #5: Mistero en Lago Ness. 2-a parto» estas legebla kaj elŝutebla de antaŭ kelkaj tagoj. Carland kaj Andy troviĝas en kaverno, el kiu ili ne kapablas eliri. Dume, la malica plano de Murdock progresas danke al mistera maŝino. xn--esperao-tgb.net/bitlibroj/ca...

Kovrilo de «Carland Cross #5: Mistero en Lago Ness (2-a parto. La tombejo sub la lago)». La ĉefroluloj Carland kaj Andy navigas per drakŝipo. Ili estas en kaverno, prilumata de torĉo, kiun Carland tenas. Apud ili flugas korvo.

001 0

Esperaĵo @xn--esperao-tgb.net · 16/11/2025

Nevalidaj voĉdonoj: unu homo voĉdonis multajn sinsekvajn fojojn por unu sola serio («Astérix et Obélix, le Combat des chefs», kiu ja sukcesis malgraŭ tio). Tiuj voĉdonoj estis dekalkulitaj. Se vi volas iom saboti balotadon, almenaŭ faru malpli evidentan provon!

020 0

Esperaĵo @xn--esperao-tgb.net · 16/11/2025

🗳️La voĉdonado finiĝis! Post la dekalkulo de nevalidaj voĉdonoj, oni povas diri ke 109 homoj —aŭ kontoj— partoprenis. Venkis «Grimm Meisaku Gekijou», «Over the Garden Wall» kaj «Astérix et Obélix, le Combat des chefs». Tri serioj, ĉiu el malsama lando (Japanio, Usono, Francio).

Rezultoj de la voĉdonado: Grimm Meisaku Gekijou (61 voĉdonoj), Kaoru Hana wa Rin to Saku (40 voĉdonoj), Over the Garden Wall (54 voĉdonoj), Winx Club: The Magic is Back (27 voĉdonoj), Superman: The Fleischer shorts (29 voĉdonoj), Onyx Equinox (10 voĉdonoj), DNA² (20 voĉdonoj), Astérix et Obélix: le Combat des chefs (50 voĉdonoj)

151 0

Esperaĵo @xn--esperao-tgb.net · 31/10/2025

La lastaj 6 epizodoj de «Skubi-Du! Kompanio Mistero» publikiĝis antaŭ nelonge. Eksciu la veron pri la junuloj, kiuj malaperis en la kavernoj de Kristalogolfeto 20 jarojn antaŭe! www.youtube.com/watch?v=25Ze...

youtube.com

Skubi-Du! Kompanio Mistero | Epizodoj 21-26 | Antaŭfilmo (Esperanto)

YouTube video by Esperaĵo

010 0

Esperaĵo @xn--esperao-tgb.net · 31/10/2025

«Carland Cross», de Oleffe kaj Grenson, estas la perfekta komikso por ŝatantoj de detektivoj kaj supernaturaĵoj. Ĝis nun, 4 el 7 libroj estas legeblaj/elŝuteblaj: «La golemo», «La dosiero de Carnarvon», «Tunelo» kaj «Mistero en Lago Ness (unua parto)». xn--esperao-tgb.net/bitlibroj/ca...

Kovrilo de «Carland Cross #1: La golemo». La ĉefa persono, Carland Cross, staras apud skribotablo plena de libroj kaj kranioj kun hebreaj skribaĵoj sur la fruntoj. La ĉambron lumas kandeloj. Malantaŭ li estas minac-okula grandulo el argilo: la golemo.

120 0

Esperaĵo @xn--esperao-tgb.net · 31/10/2025

En «La vampiro» de John William Polidori, junulo nomata Aubrey ekkonas misteran nobelon, kiu tre facile delogas homojn de la ĝusta vojo. Ĉu li estas la sola, kiu rimarkas tion? xn--esperao-tgb.net/bitlibroj/la...

Kovrilo de «La vampiro». Vesperto staras sur la rando de kaliko. Super ĝi estas la titolo kaj la nomo de la verkinto, John William Polidori.

110 0

Esperaĵo @xn--esperao-tgb.net · 31/10/2025

🎃Feliĉan Halovenon! «La alia flanko» (The Other Side) estas noveleto de Eric Stenbock nun legebla en Esperanto. Post «La vampiro» en oktobro 2024, ni nun publikigas unu plian Halovenecan rakonton. La kovrilo jam malkaŝas la intrigon iomete, ĉu ne? xn--esperao-tgb.net/bitlibroj/la...

Kovrilo de «La alia flanko». Sur silueto de blanka lupo estas ruĝaj 'halovenecaj' literoj (la titolo). La nomo de la verkinto estas en nigraj literoj. La fono estas malhelblua steloplena nokto.

1123 0

Esperaĵo @xn--esperao-tgb.net · 20/08/2025

📚Ĉi-vendrede publikiĝos «Carland Cross #4: Mistero en Lago Ness. 1-a parto» en nia retejo.

Kovrilo de «Carland Cross #4. Mistero en Lago Ness. Unua parto: La malbenita ekspedicio». La ĉefrolulo Carland Cross estas en unua plano, tenante lanternon. Malantaŭ li estas kaverno, kie staras lia helpisto Andrew White.

032 0

Esperaĵo @xn--esperao-tgb.net · 19/06/2025

📚«Carland Cross #3: Tunelo» publikiĝos la 20-an de junio (ĉi-vendrede). Carland kaj lia helpisto ekesploras la malaperon de multaj masonistoj. Kiel tio povas rilati al la ĥimeraj konstruprojektoj de inĝeniero, kiu forpasis en brulego antaŭ dek jaroj?

Kovrilo de «Carland Cross #3: Tunelo». En ĝi aperas tri viroj (unu blonda, alia nigrahara kaj alia ruĝhara) kurantaj en tunelo, fuĝantaj de granda inundo.

062 0

Esperaĵo @xn--esperao-tgb.net · 30/04/2025

Pli da informo pri la procezo de dublado (paĝoj 235-237) interl.amu.edu.pl/interlingvis...

020 0

Esperaĵo @xn--esperao-tgb.net · 30/04/2025

La filmo, gajninta unu Oskar-premion en 1982, rakontas pri Hendrik Höfgen, teatra aktoro en Germanio, kiu devos elekti inter idealoj kaj vivo post la balota venko de nazioj. Kaj ĝi kaj «En Eŭropo ie» estis dublitaj de hungara aktoraro, tradukitaj de Imre SZABÓ kaj reĝisoritaj de Istvan VAJDA.

241 0

Esperaĵo @xn--esperao-tgb.net · 30/04/2025

🎬Antaŭ monatoj ni komencis projekton restaŭri/serioze eldoni du filmojn, kiuj estis dublitaj en Esperanton inter 1987 kaj 1988. La pasintan vendredon finfine aperis «Mefisto», kun 1080p-a bildkvalito kaj subtekstoj transskribantaj la Esperantan dialogon, faritaj de ni.

xn--esperao-tgb.net

Mefisto – Esperaĵo

173 0

Esperaĵo @xn--esperao-tgb.net · 11/04/2025

🏺Publikiĝis «Carland Cross #2: La dosiero de Carnarvon», la dua volumo de la komiksoserio. Carland kaj lia helpisto Andy esploras misteran ripozdomon, kiu estas ligita al sekto rekreanta la antikvajn egiptajn ritojn de enbalzamigo. Sed kio estas la celo de tio, kaj kial la sektanoj parolas germane?

xn--esperao-tgb.net

Carland Cross #2: La dosiero de Carnarvon

3105 0

Esperaĵo @xn--esperao-tgb.net · 08/04/2025

Aldonaĵoj al nia katalogo en Aprilo! 🏺«Carland Cross #2: La dosiero de Carnarvon». Dua volumo de la komiksoserio. [Ĝi publikiĝos la 11-an de aprilo] 🎭«Mefisto». 1981-a longfilmo dublita en EO, kun subtekstoj kongruaj kun la parolado, prezentita en 1080p. [Ĝi publikiĝos la 25-an de aprilo]

Kovrilo de «Carland Cross #2: La dosiero de Carnarvon». En ĝi videblas blanka viro kun nigra hararo kaj pistolo en la dekstra mano. Li surhavas brunan palton kaj estas ĉirkaŭita de multaj egiptaj antikvaĵoj (statuoj, pentraĵoj)

Kovrilo de «Mefisto». En ĝi videblas viro kun vizaĝo blanke ŝminkita, surhavanta nigrajn vestojn kaj malhelruĝan mantelon. Malantaŭ li, grandega ruĝa flago kun svastiko (t.e. nazia flago).

173 0

Esperaĵo @xn--esperao-tgb.net · 15/02/2025

▶️Antaŭfilmo de la tria volumo (epizodoj 9-13) de «Skubi-Du! Kompanio Mistero». La epizodoj jam spekteblas kaj elŝuteblas ĉe nia retejo. youtu.be/HiGF3Rwr4IQ?...

youtu.be

Skubi-Du! Kompanio Mistero | Epizodoj 9-13 | Antaŭfilmo (Esperanto)

YouTube video by Esperaĵo

184 0

Reposted by Esperaĵo

Esperanto-Asocio de Britio @esperanto.org.uk · 03/02/2025

Ni bedaŭras ekscii pri la morto de nia membro, kaj unu el la grandaj esperantistoj de la lasta duonjarcento, Renato Corsetti. Ni funebras kaj kondolencas. esperanto.org.uk/news/charity...

Foto de preleganta Renato Corsetti de 2016.

1197 0

Esperaĵo @xn--esperao-tgb.net · 29/12/2024

📚«Carland Cross #1: La golemo» jam estas legebla kaj elŝutebla ĉe xn--esperao-tgb.net/bitlibroj/ca... Nebulplenaj stratoj, aŭtaj persekutoj, malhelaj kriptoj kaj vivantaj statuoj... Bona maniero fini la jaron, ĉu ne?

«Carland Cross», unua volumo legebla kaj elŝutebla ĉe esperaĵo.net

083 0

Esperaĵo @xn--esperao-tgb.net · 25/12/2024

🎄Feliĉan Kristnaskon al ĉiuj festantaj!✨ Paĉjo Kristnasko alportis novan aspekton al ni! Nia retejo refasoniĝis (kun malhela etoso) por disradii pli seriozan/modernan aspekton, kiu similas tiun de aliaj famaj elsendfluejoj, ĉar tion celas ni: esti alirebla fluo de libroj, filmoj, komiksoj ktp.

Antaŭa aspekto de la retejo. «Via Nomo», sekcio «Filmoj».

Nova aspekto de la retejo. «Via Nomo», sekcio «Filmoj».

Antaŭa aspekto de la retejo. «Mirai, la estonteco de futbalo», sekcio «Mangaoj».

Nova aspekto de la retejo. «Mirai, la estonteco de futbalo», sekcio «Mangaoj».

192 0

Esperaĵo @xn--esperao-tgb.net · 16/12/2024

BluĈielo malpliigas la bildkvaliton, sed la paĝoj legeblos multe pli klare en la retejo aŭ kiel PDF-elŝutaĵo. Jen komparo:

Versio kun plena bildkvalito, aperonta en la retejo.

Versio kun malalta bildkvalito, kiun BluĈielo montras.

020 0

Esperaĵo @xn--esperao-tgb.net · 16/12/2024

Kreita de M. Oleffe kaj O. Grenson, ĉi tiu komiksoserio rakontas pri Ŝerlokeca detektivo Carland Cross kaj lia metilernanto Andy White. Ili esploras supernaturaĵojn, ĉi-okaze ili postiros mortigan golemon, kiu serĉas fragmentojn de malnova manuskripto. 📥Krom legebla, ĝi estos elŝutebla kiel .pdf

151 0

Esperaĵo @xn--esperao-tgb.net · 16/12/2024

Hieraŭ estis la tago de Esperanta libro, hodiaŭ ni anoncas unu plian aldonon al nia retlibraro: «Carland Cross»! Franca komiksoserio enhavanta 7 volumojn. La unua («La golemo», 45 paĝoj) baldaŭ publikiĝos komplete, antaŭ la jarfino. Jen la unuaj kvar paĝoj:

173 0

Esperaĵo @xn--esperao-tgb.net · 08/12/2024

Estis kelkaj tre kuraĝigaj kaj afablaj komentoj en la retejo, sed pro retproblemo en januaro ili malaperis kaj ne eblis retrovi ilin. Se vi volas, lasu vian recenzon/komenton tie!

050 0

Esperaĵo @xn--esperao-tgb.net · 08/12/2024

🎉Ekzakte antaŭ unu jaro publikiĝis «Via Nomo», la esperantlingva versio de la animea filmo «Kimi no Na wa/Your Name», kiu kunigis la fortojn de dudeko da homoj. Feliĉan datrevenon al ĝi! Ĝi elŝuteblas kaj spekteblas ĉe xn--esperao-tgb.net/filmoj/via-n...

32410 0

Esperaĵo @xn--esperao-tgb.net · 01/12/2024

Ni jam aldonis ligilon al la retejo kiel provizoran «legitimilon». Tiu ligilo (la blua papilio) portos onin al ĉi tiu BluĈiela konto.

La emblemo de BluĈielo ĉe esperaĵo.net, apud la emblemoj de aliaj sociaj retejoj

041 0

Esperaĵo @xn--esperao-tgb.net · 01/12/2024

Saluton, BluĈielo! Jen la oficiala konto de esperaĵo.net. Se vi ne konas nin, Esperaĵo estas senprofita retejo, kiu publikigas kaj legaĵojn kaj aŭdvidaĵojn. Pro teknikaj problemoj ni ankoraŭ ne havas la konfirmitan tenilon/heliknomon, sed espereble ni havos ĝin baldaŭ.

1177 0