iiinova — where your digital self keeps evolving

Ragnhildur Hólmgeirsdóttir @rakeldur.bsky.social · 8h

Ég verð bara að nefna það að heildarnafnaskrá Yfirréttarins I-VI er orðin svo öflug að ég var þegar með 7 af þessum 8 mönnum á skrá, núna þegar skjalahalinn neyðir mig til að hoppa 30 ár aftur í tímann frá 1750 til 1722.

Skjáskot af wordskjali sem er upphaf á héraðsþingi á dönsku í þjófnaðarmáli Guðmundar Bjarnasonar á Kópavogsþingi 20. maí 1722

130

Ragnhildur Hólmgeirsdóttir @rakeldur.bsky.social · 9h

Húsnæði Þjóðskjalasafns, áður en það hýsti Þjóðskjalsafn. Ef ykkur finnst götumyndin fútúrísk og framúrstefnuleg þá er það af því að hún er tekin 3 árum fyrir fæðingu mína, en afar stuttur tími hefur liðið frá þeim merka atburði.

Svarthvít mynd tekin úr lofti sem sýnir þáverandi húsnæði Mjólkursamsölunnar við Laugaveg en líka göturnar tvær fyrir aftan. Fólksbílar, í akstri og í stæði, eru undir 20 talsins.

060

Ragnhildur Hólmgeirsdóttir @rakeldur.bsky.social · 08/10/2026

Og það er allt að gerast í kjaradeilunum!

Skjáskot af grínfrétt frá Fréttirnar, grínprófíl á facebook.

140

Ragnhildur Hólmgeirsdóttir @rakeldur.bsky.social · 06/10/2026

Hluti af bls. 2 af 5 í skjalaskrá Barnsfaðernismáls Sunnefu Jónsdóttur gegn Hans Wium. Skjalaskrár málanna eru eitt af undrum útgáfunnar, sannkallaður lykill að því ruglingslega innihaldi sem við bjóðum upp á. Málið er bara að fátt er jafn yfirþyrmandi ruglingslegt og þessar blessuðu skjalaskrár.

skjáskot af texta með mjög mörgum nöfnum og dagsetningum sem myndar einhvers konar lista sem raðað er eftir tvöföldu númerakerfi.

010

Ragnhildur Hólmgeirsdóttir @rakeldur.bsky.social · 01/10/2026

Og við höfum öll farið á byggðasöfn og séð torfbæi og önnur 19. aldarhús, en gangnabærinn er bara eitthvað allt annað. Ég les þetta og ég á virkilega erfitt með að sjá fyrir mér umhverfið. Og hvernig stendur á því að Hans Wium, sem bjó á sama bæ, getur þóst hafa ekkert vitað af þessu?

Skjáskot af texta:
Sýslumaður Wium eftirspyr vitnið hvört það hefði ei séð Jón hafa lagt sig eftir Sunnefu fundi um veturinn þegar barnið undir kom. Svarar: „Nei, fyrir utan það hann flutti sig inn á hápallinn, að liggja þar í öðru rúmi en Sunnefa. En ekkert veit ég í hvörri veru Jón gjörði það.“ Það aðspurt segist ei framar vitna kunna í sökinni.

020

Ragnhildur Hólmgeirsdóttir @rakeldur.bsky.social · 01/10/2026

Um daginn deildi ég því á fb að ég vildi að það væri til svipuð bók og börnin á Hvuttahólum eftir Mauri og Tarja Kunnas um íslenska sögu. Hún gerist á 19. öld og ég gæti sætt mig við það, þó 18. öld væri auðvitað draumurinn. Íslensk fortíð er að svo mörgu leyti öðruvísi en allt annað.

Mynd af síðu í bókinni þar sem hundar eru aðalkarakterarnir. Við sjáum 19. aldar eldhús og 19. aldar koju hjá borgarafjölskyldu. Vaktmaðurinn hrópar fyrir utan.

120

Ragnhildur Hólmgeirsdóttir @rakeldur.bsky.social · 01/10/2026

Hér er samantekt Brynjólfs á því hvaða fötum og vinnubúnaði hann glataði. (Öll þessi skjöl eru komin til vegna tryggingamála.) Brynjólfur var fæddur 22. ágúst 1884 og lést 19. mars 1954.

Mynd af handskrifuðum lista yfir fatnað með verðmati í dálkum til hliðar. Efst stendur: Tapað á Nirði þegar hann sökk 18/10 1918. Blaðið, sem er óttalegur snepill, er heftað saman við aðra slíka lista frá hinum skipbrotsmönnunum.

000

Ragnhildur Hólmgeirsdóttir @rakeldur.bsky.social · 01/10/2026

Var að setja heimild mánaðarins í sýningarskáp á lestrarsal, skv. venju. Sé ég þá ekki að samkvæmt duttlungum alheimsins hét einn háseti á Nirði nafninu sem ég var að hneykslast yfir í gær að væri ekki algengara en það er, Brynjólfur Gíslason.

Mynd af vélrituðum lista yfir nöfn og stöðu áhafnarinnar á Nirði (og farþegans) og mat á því efnislega tjóni sem þeir urðu fyrir þegar skipinu var sökkt.

110

Ragnhildur Hólmgeirsdóttir @rakeldur.bsky.social · 30/09/2026

Brynjólfurinn sem ég var að leita að er sá næstefsti. Gekk í Hólaskóla en fékk aldrei að verða prestur því hann eignaðist barn utan hjónabands með fegurstu konu Eyjafjarðar, Guðrúnu sól Aradóttur. Og einhvers staðar hefur skort áhugann á að leysa það með eftiráhjónabandi og bréfum til biskups.

Skjáskot úr Íslendingabók af Guðrúnu „sól“ Aradóttur, fæddri 1690.
Var á Sökku, Svarfaðardalshreppi, Eyjaf. 1703. „Nafntoguð að fríðleik og hannyrðum“, segir Espólín. „Var Guðrún allra kvenna fríðust sýnum, svo að hún var af sumum kölluð Guðrún sól“, segir í Blöndu.

030

Ragnhildur Hólmgeirsdóttir @rakeldur.bsky.social · 30/09/2026

Ótrúlega skrítið að ekki sé vitað um neinn með nafnasamsetninguna Brynjólfur Gíslason fyrr en árið 1638. Og bara 32 með þetta basic bitch nafn í allri Íslandssögunni.

Skjáskot úr ÍSlendingabók af þeim 7 einstaklingum sem báru þetta nafn á 17. og 18. öld.

130

Ragnhildur Hólmgeirsdóttir @rakeldur.bsky.social · 28/09/2026

1) Ég mundi eftir Totoro blýantinum 2) Einhver hafði laumað almennilegum blýanti á borðið þegar ég mætti Böndin berast óneitanlega að hinum skjalaverði ÞÍ sem er á bluesky.

Mynd af þremur misgæfulegum blýöntum ofan á útkrotuðu vinnublaði.

0110

Ragnhildur Hólmgeirsdóttir @rakeldur.bsky.social · 28/09/2026

Einnig dáðist ég að þessu tréaltari „frá 18. öld“ en úr hvaða kirkju það er get ég því miður ekki sagt. Ég tók mynd af neðri hlutanum (á þeim efri var biblíumálverk) af því að mér fannst áletrunin svo skrítin. „Þeir sem altarinu þjóna hafa not af altarinu.“ = Óviðkomandi bannaður aðgangur, eða?

Mynd af litlum tréskáp, málaður sægrænn með rauðu skrauti og útskorinni áletrun. Efst glittir í gylltan biblíutexta.

2100

Ragnhildur Hólmgeirsdóttir @rakeldur.bsky.social · 28/09/2026

Texti á veggjum safnsins innihélt líka alls konar undarlegheit, eins og þá fullyrðingu að Akranes hefði verið kristið svæði allt frá landnámi. Óneitanlega athyglisvert. Allavega, hér er mynd af fallegu, ótímasettu salúnáklæði í barnavöggu.

Nærmynd af salúnáklæði sem er mestmegnis rautt og hvítt, stundum röndótt, stundum köflótt, en líka blátt og hvítt inn á milli. Slitið, segi ég, og hljóma eins og dánarbú frá 18. öld.

191

Ragnhildur Hólmgeirsdóttir @rakeldur.bsky.social · 28/09/2026

Á föstudaginn póstaði ég ekkert, og vann heldur ekkert, því það var starfsmannaferð. Við fórum m.a. á byggðasafnið í Görðum. Safnið fór í taugarnar á mér fyrir að hafa mjög almennan og óupplýsandi texta. Ég meina, kaffibaukur? Ókei? Síðan hvenær og hvaðan er þessi ágæti kaffibaukur?

Mynd af ferköntuðu tréboxi með loki. Lokið er með mynstri sem minnir á lauf eða spaða í spilastokki, X með fjórum laufum á sitthvorum enda. Máð. SKilmerkilega merkt Kaffibuakur//Coffeebox

3160

Ragnhildur Hólmgeirsdóttir @rakeldur.bsky.social · 24/09/2026

Ég er látin vinna með alls óhæfan blýant, sexhyrndan og óhúðaðan, einhvern uppgjafaþjóðskjalasafnsvarning frá guð má vita hvenær. Ég óttast bæði blöðrur á fingrum og flísar. Verð að muna að koma með Totoro blýant að heiman eftir helgi.

Mynd af skelfilegum óhúðuðum sexhyrndum blýanti merktur vefslóðinni skjaladagur.is ofan á útkrotuðu vinnublaði

180

Ragnhildur Hólmgeirsdóttir @rakeldur.bsky.social · 24/09/2026

Ég fékk boð í tölvupósti á listviðburð með yfirskriftinni „Mér býður við litagleði bókakjalanna ykkar.“ Það lifnaði yfir mér og ég fór strax að velta fyrir mér hvort þarna væri ekki kominn einhver sem myndi kunna að meta Yfirréttinn.

Mynd af öllum fimm útkomnum bindum Yfirréttarins. Kilirnir eru svartir með gylltu letri og nokkrum gylltum láréttum strikum.

170

Ragnhildur Hólmgeirsdóttir @rakeldur.bsky.social · 23/09/2026

Góðu fréttirnar eru þær að nú á ég ekkert eftir nema viðaukann. (Og nei ég veit ekki af hverju viðaukinn hjá okkur heitir jafn flóknu nafni) Slæmu fréttirnar eru þær að viðaukinn er rétt yfir 1/5 af heildartextanum. (160 bls. í word)

Skjáskot af fyrirsögninni sem boðar viðauka í hverju einasta bindi en hún er
Íslenskt réttarfar
Meðferð dómsmála sem tengd voru yfirréttinum

030

Ragnhildur Hólmgeirsdóttir @rakeldur.bsky.social · 23/09/2026

Brimarhólms-Landbjartur er sá eini sem er skráður sem skyldmenni mitt, í 9. lið. (Hann og sonur Þorláks prestlausa sýslumanns voru þremenningar.) En jæja, aftur að því sem ég á að vera að gera svo ég geti lesið Bókatíðindi kinnroðalaust á aðventunni.

Skjáskot af efri hluta ættartrés sem rekur mig saman við Landbjart Jónsson Brimarhólmsfanga. Afi hans og amma hétu Koðrán og Úlfrún sem er ekki lítið flott.

030

Ragnhildur Hólmgeirsdóttir @rakeldur.bsky.social · 23/09/2026

Nafnauppgötvun dagsins: Landbjartur. Ævi Landbjarts nr. 2 allævintýralegt. Á listann vantar Landbjart, pabba Landbjarts nr. 3 og Landbjart, föður lögréttumannsins Jóns Landbjartssonar á s. hl. 15. aldar. (Sem leiddi mig á braut þessa nafns í Lögréttumannatali)

Skjáksot af öllum þremur sem koma upp við leit nafnsins Landbjartur í Íslendingabók, f. 1653, 1710 og 1749. Landbjartur (1710) dæmdur á Brimarhólm fyrir rán og íkveikjur.

290

Ragnhildur Hólmgeirsdóttir @rakeldur.bsky.social · 23/09/2026

Kaldar kveðjur úr ísskáp kaffistofunnar.

Ljósmynd af neðstu skúffunni í ísskáp. Þar glittir í smjörva, sultu og annað brauðálegg en ofan á skúffunni hvílir plastað A4 blað sem tilkynnir:
Þessi matvæli eru EINGÖNGU fyrir FIMMTUDAGSKAFFI. Ef þið eruð að leita að mat fyrir nesti bendum við á Bónus

160

Ragnhildur Hólmgeirsdóttir @rakeldur.bsky.social · 19/09/2026

Í kjölfarið fékk Þorsteinn auðvitað æði fyrir syfílis og sýfilisóttanum og skrifaði um það grein. Þá var ég ekki búin að lesa hina frábæru bók Sendibréf frá íslenzkum konum 1784-1900 þar sem leynist þessi gullmoli frá 1807, og harma það alla daga að það hafi orðið útundan í rannsókninni:

Mynd af blaðsíðu 29 í bókinni þar sem rætt er um séra Hjört sem er kominn frá Kaupmannahöfn og sagður vera franskur en bréfritari trúir því ekki og lýsir heilbrigðri ásjónu hans og „gangur hans sýndi, að undirlífið var heilt.“

120

Ragnhildur Hólmgeirsdóttir @rakeldur.bsky.social · 19/09/2026

Ég frétti að þessi ágæta 19. aldar dagbók sem maðurinn minn gaf einu sinni út væri á kostaboði á bókamarkaði Forlagsins. Þar hímir vesalings Ólafur víst á ævisagnaborðinu, umkringdur lofsamlegum ævisögum íslenskra kynferðisofbeldismanna og upplagt ef gott fólk vildi bjarga honum.

Ljósmynd af bókinni Hundakæti. Dagbækur Ólafs Davíðssonar 1881-1884. Kápan sýnir svarthvíta ljósmynd af sjálfsánægðum skólapiltum í Lækjargötu (frá seinni tíð en dagbókin) sem hafa fengið smá litríkan útsaum á valdar flíkur.

1141

Ragnhildur Hólmgeirsdóttir @rakeldur.bsky.social · 18/09/2026

Á þessum föstudagseftirmiðdegi er ég hugsi yfir hinum óskólagengna sýslumanni Arnóri Jónssyni sem er enn að mæta á Alþingi 2 árum eftir að hann lætur af sýslunni. 57 ára gamall maður á hestbaki úr Borgarfirði. Algjört party animal.

Mynd af færslunni um Arnór í íslenskum æviskrám.

3100

Ragnhildur Hólmgeirsdóttir @rakeldur.bsky.social · 18/09/2026

Fréttatilkynning! Þessi níu ára strákur árið 1703 lifði af stóru bólu, umgangspestir og sjómennsku á opnum árabátum og var enn á lífi 28. september 1756 þegar hann (62 ára) sat rétt í aukalögþingi í blóðskammarmáli Jóns og Sunnefu Jónsbarna.

Skjáskot úr Íslendingabók af Sigurði Þorsteinssyni sem árið 1694 bjó ásamt foreldrum og systur á Barnafelli í Þingeyjasýslu

060

Ragnhildur Hólmgeirsdóttir @rakeldur.bsky.social · 18/09/2026

Nei, hættu nú alveg, Múlasýsla! (Aldrei hefur nokkurt par átt jafn mikinn rétt á því að nefna barn sitt afar hversdagslegu nafni)

Skjáskot af ábúendum á Surtsstöðum árið 1703, Pétur Rustikusson og Bretteva Sigfúsdóttir eiga soninn Jón Pétursson.

070

Ragnhildur Hólmgeirsdóttir @rakeldur.bsky.social · 18/09/2026

En að öllum atriðum íhuguðum hlýtur það eiginlega að vera þessi hér.

Skjáskot af Einari Þorvarðssyni í Íslendingabók, fæddur árið 1681.

120

Ragnhildur Hólmgeirsdóttir @rakeldur.bsky.social · 18/09/2026

Þar sem ég veit út frá hinu stefnuvitninu og undirskrift þess að Eiríkur býr í Vallnahreppi í Múlasýslu er frekar einfalt að finna réttan bæ. Þarna stendur Miirnes sem verður í orðréttu en ekki stafréttu útgáfunni okkar Mýrnes.

Mynd af prentuðu útgáfu manntalsins frá 1703 þar sem sjá má upptalningu allra íbua á Mýrnesi.

130

Ragnhildur Hólmgeirsdóttir @rakeldur.bsky.social · 18/09/2026

En vá hvað það lítur 100% út eins og að þarna standi Múrnes. (Ath. þetta er samtímaafrit svo þett er ekki eiginhandarundirskrift þessa mæta manns Eiríks Jónssonar á óljósu nesi)

Mynd af skjalinu þar sem nafn og heimilisfang Eiríks kemur fyrir.

110

Ragnhildur Hólmgeirsdóttir @rakeldur.bsky.social · 18/09/2026

Talandi um kjánalegar villur, hvernig stendur á því að ég staldraði ekki við á einhverjum tímapunkti þessarar vinnu og hugsaði, Ragnhildur mín, er það mjög líklegt að bær á 18. öld hafa heitið Múrnes?

Skjáskot af texta í word þar sem kemur fyrir nafn stefnuvitnisins Eiríks Jónssonar á „Múrnesi“.

110

Ragnhildur Hólmgeirsdóttir @rakeldur.bsky.social · 17/09/2026

Eiríkur Rustikusson, sem birti Jóni Sunnefubróður yfirréttarstefnuna á Alþingi 8. júlí 1758. Fékk umsögnina „Undarlegur, en skáldmæltur vel og skrifari góður“ þegar hann var um nírætt.

Skjáskot úr Íslendingabók af Eiríki Rustikussyni, (1712-13. maí 1804)

020

Ragnhildur Hólmgeirsdóttir @rakeldur.bsky.social · 17/09/2026

Hann og Jón Ólafsson varalögmaður, síðasti maðurinn í þessum þræði, voru bestu vinir og Halldór bjó heima hjá Jóni eftir að konan henti honum út. Þeir voru giftir systrum og þessar systur voru dætur Bjarna Halldórssonar og afabörn Páls Vídalín, sem ég hef ekki mikið álit á.

210

Ragnhildur Hólmgeirsdóttir @rakeldur.bsky.social · 17/09/2026

Hann virkar frekar venjulegur í skjölum Yfirréttarins en þær segja ekki alla söguna, maðurinn drakk allt áfengið úr skipbroti og passaði ekki upp á Fjalla-Eyvind. Svaka hottie líka en konan hans þoldi hann ekki.

110

Ragnhildur Hólmgeirsdóttir @rakeldur.bsky.social · 17/09/2026

Svo er það Halldór Jakobsson, sýslumaður í Strandasýslu. Mjög frægur maður. Ekki veit ég hvað var málið með að hafa alltaf sýslumann í Strandasýslu sem hafði verið rekinn úr skóla fyrir líkamsrárás. Halldór varð alræmdur fyrir mjög hressilega framgöngu í starfi.

Fyrri myndin af ævi Halldórs í Íslenzkum æviskrám

110

Ragnhildur Hólmgeirsdóttir @rakeldur.bsky.social · 17/09/2026

Lýður Guðmundsson. Af óljósum ástæðum fá allir þessir 18. aldar kalla mjög persónulega umsögn í Íslenzkum æviskrám og Lýður er þar ausinn sérstöku lofi. „Talinn með heldri sýslumönnum“ stendur þarna bókstaflega, hvað sem það á nú að þýða. Ég hata Lýð.

Ljósmynd af færslunni um Lýð í Íslenzkum æviskrám.

340

Ragnhildur Hólmgeirsdóttir @rakeldur.bsky.social · 17/09/2026

Flesta þeirra kannast ég við frá því ég var að skrifa uppdómsmál frá lokum 18. aldar en ekki þennan, Jón Eggertsson. Þó hann hafi lifað langa ævi í efsta lagi samfélagsins er þetta brútal upptalning. Dó úr „blóðgangi“ og kærastan hans og bæði börnin deyja við fæðinguna. Seinni börnin dóu líka.

Mynd af færslu um Jón Eggertsson sýslumann í Íslenzkum Æviskrám

120

Ragnhildur Hólmgeirsdóttir @rakeldur.bsky.social · 17/09/2026

Árið er 1758 og enn á ný erum við að horfa á „nýja og ferska“ embættismenn sem sitja dóm Yfirréttar fagran júlídag á Þingvöllum. Já, hvaða konfektmolar skyldu vera hér á ferð?

Ljósmynd af útkrotuðu vinnublaði þar sem má sjá nöfn 9 karlmanna

170

Ragnhildur Hólmgeirsdóttir @rakeldur.bsky.social · 17/09/2026

Það er ekki hlaupið að því að kynna heimildaútgáfur fyrir almenningi. Ég ligg því inni á Bókagulli og í hvert sinn sem einhver biður um meðmæli með ScandiNoir er ég mætt og segi: Yfirrétturinn á Íslandi. Dómar og skjöl. er besta bókin.

Skjáskot af fb hópnum Bókagull þar sem spurt er:
Hvað finnst ykkur bestu íslensku krimma bækurnar?

1100

Ragnhildur Hólmgeirsdóttir @rakeldur.bsky.social · 14/09/2026

Ég er búin að horfa svo mikið á örnefnið Leiðvöll í Leiðvallarhreppi að upp rifjaðist fyrir mér hið eldgamla meme Leiður Smári. Synd að það sé ekki til neinn fótböltavöllur með þessu nafni. Leiður Smári á Leiðvelli í Leiðvallarhreppi.

Skjáksot af excelskjali þar sem orðið Leiðvöllur kemur leiðinlega oft fyrir.

040

Ragnhildur Hólmgeirsdóttir @rakeldur.bsky.social · 11/09/2026

Komdu sæl bók, sjá, allt þetta auða, þurra og ryklausa borðpláss sem ég hef af nostursemi minni búið þér.

Mynd af doðranti frá 1753 í yngra bandi á skrifborði.

060

Ragnhildur Hólmgeirsdóttir @rakeldur.bsky.social · 11/09/2026

Þetta tiltekna þingvitni hefur aldrei átt neinn alnafna og dó voveiflega.

Skjáskot af Halla Runólfssyni í íslbók en þar stendur:
Var á Ytri-Steinsmýri , V-Skaft., 1753. Bóndi á Syðri-Steinsmýri, Meðallandssókn, Skaft. 1762 og 1765. Dó voveiflega, fannst mállaus og hálfdauður milli bæja í Meðallandi.

030

Ragnhildur Hólmgeirsdóttir @rakeldur.bsky.social · 11/09/2026

Mér finnst erfitt að fletta upp hlutum án þess að láta afvegaleiðast af einhverjum alnöfnum þeirra sem ég er að leita að og klikkuðum örlagasögum þeirra í info-hnappnum á Íslendingabók. Vildi bara að ég myndi einn daginn finna aftur manninn sem var sagður hafa verið ...

skjáskot af harmsögu Þorsteins Þorsteinssonar (1720-1748) á Íslendingabók

140

Ragnhildur Hólmgeirsdóttir @rakeldur.bsky.social · 11/09/2026

Mér mun aldrei hætta að þykja vænt um þessar vinalegu tilraunir excel til að leysa fyrir mig nafnaskrána. Látum öll nöfn enda á -ólfur og heimurinn væri sannarlega skemmtilegri staður.

Skjáskot af auto-complete uppástungu í excel þar sem sjá má nöfn eins og Bjarnólfur, Páll ólfur, Guðmuólfur, Stefálólfur, Sigurólfur og Gunnaólfur.

1100

Ragnhildur Hólmgeirsdóttir @rakeldur.bsky.social · 07/09/2026

Ég hóf vinnuna við þetta bindi á þeirri uppgötvun að Þorlákur prestslausi, forfaðir minn í 7. lið, hefði ekki verið neitt sérstaklega gæfulegur maður, en þetta getur enn slegið mig af fullum krafti. Ganske ókunnugur! Þetta mál er ástæðan fyrir því að þú ert með sýslumannsembættið, bjáninn þinn.

Skjáskot af texta frá 10. júlí 1755:
Veleðla, hávísi herra lögmann.
Ég hefi að sönnu sýnt hér herra amtmannsins ordre til mín hér í rétt að ganga vegna dómsmanna sýslumannsins Erlends í Margrétar Þorgeirsdóttur máli en ég er þeirri sök og hennar ástandi ganske ókunnugur. Því referera ég þeirra forsvar til alls þess sama sem sýslumaðurinn Erlendur færir sínum og þeirra dómi til forsvars, og víðar held mig

240

Ragnhildur Hólmgeirsdóttir @rakeldur.bsky.social · 02/09/2026

Núna er ég að lesa yfir annað smárit á útgáfudagskrá þjóðskjalasafns, um forföður þess í Danmörku sem kallaðist Leyndarskjalasafn. 1849, what a time to be alive

Skjáksot af texta í vinnslu þar sem stendur:
Við lok árs 1849 fékk skjalasafnið aukin framlög á fjárlögum (d. budget). Í þeim fólst að fjármagn fyrir ráða mátti vörð á lestrarsalinn og að ráða mátti í tvær styrkþegastöður til þriggja ára í senn. Til útgáfu á ársskýrslu fengust 200 ríkisdalir og til skrifstofunnar 100 ríkisdalir auk eldiviðar. Auk þessa hækkuðu laun allra þannig að þau nær tvöfölduðust frá því sem áður var. Á sama tíma lengdist opnunartími skrifstofunnar úr tveimur tímum í fjóra tíma daglega, en lestrarsalurinn var þó eins og áður aðeins opinn í tvo tíma. Laun leyndarskjalavarðarins hækkuðu úr 1000 ríkisdölum í 1600 auk þess sem hann fékk 660 ríkisdali fyrir að vera konunglegur sagnaritari.

050

Ragnhildur Hólmgeirsdóttir @rakeldur.bsky.social · 28/08/2026

Draslkirkja vs. fyrirmyndarkirkja árið 1750. (Dream on Einar Hálfdanarson, það er enginn að fara að borga fyrir þessa skýjaborg, öll orka og peningar munu fara í dómsmál) *ég veit af innsláttarvillunni og leiðrétting er í farvegi **nei ég veit ekki hvað bjórþiljur eru

skjáskot af texta skjals frá 13. ágúst 1750:
Virðist af oss tilkvöddum viðir þessarar fornu kirkju með hrörlegu kvensæti, hurðinni og öðrum fjölum, sem hún á innan um sig, 8 rdr. specie virði, svo til viðbætis og ofanálags þeirrar nýju kirkju í Hólmaseli, sem uppgjörast skal af nýjum, sterkum viðum til undirviða, með alþiljuðum kór í 2 stafgólfum, bekkjum innan um hann báðum megin, langbekk fram í kirkjuinni til dyra, sæmilegri byggingu millum kórs og framkirkju, kórdyrastöfum, kirkjudyrastöfum, þrem undirstokkum, nýju kvensæti fyrir framan kórdyr, einninn hurð með vænum lömum, krókum og skrá, 4 glergluggum, hvörjum fyrir ½ rigsdal, nýjum stand- og bjórþiljum bak altaris og framan fyrir kirkju, gjörum vér 74 rigsdali specie. Hverja peningasummu sýslumönnunum, seigneur Bjarna Nikulássyni og Böðvari Jónssyni, prófastur séra Einar Hálfdánarson tilsegir síns embættis vegna promte að afgreiða klausturhöldurunum monsjör Þórði Brynjúlfssyni og monsjör Páli Halldórssyni innan næstkomandi 28. Aug. heim til þeirra heimila etc.

010

Ragnhildur Hólmgeirsdóttir @rakeldur.bsky.social · 28/08/2026

Ari Pálsson var síðasti maðurinn sem var tekinn af lífi fyrir galdra og það var 1681 en málið var tekið aftur upp fyrir Yfirrétti 30 árum síðar. Ef ég man rétt eru öll skjöl úr málinu birt í bindinu.

Skjáskot af Ara Pálssyni í Íslendingabók.

030

Ragnhildur Hólmgeirsdóttir @rakeldur.bsky.social · 28/08/2026

Svo mikið af spilunum er með 18. aldar fólki en því miður var ekki ein einasta samsvörun við fólk sem hefur birst í Yfirréttinum! Nærtækasta tengingin er Eiríkur í Vogsósum en maður í II var giftur konu sem hafði verið vinnukona í Vogsósum í manntalinu 1703. Eins langsótt og það verður.

Hjartakóngurinn í spilastokk Ástu Sigurðardóttur. Eiríkur í Vogsósum og Snorri á Húsafelli.

220