iiinova — where your digital self keeps evolving

Catro Ventos Editora @catroventos.gal · 14/08/2026

Dos quilos de miradas, insultos, desprezo. De non entrar no patrón nin nas camisetas mesmo dos teus grupos feministas. Do dereito a ser desexada e desexar. Disto e máis fala Andrea Nunes Brións en “Razóns de peso”. 👉 Podes conseguilo en catroventos.gal/produto/razo... ou librarías.

“Mírasme,
porque me expando,
porque camiño segura.

Pero non é fácil
é porque me digo
«levanta a cabeza, anda,
que non se che noten os quilos
de miradas»

e dígome
«levanta a cabeza, anda,
que non se che noten os quilos
de insultos que levas enriba».”

“Déixame que che bique na suavidade das túas lorzas,
nas pregaduras,
nas estrías,
nos camiños que se expanden
polos sucos da túa carne.

Nos quilos de beleza que levas enriba
nos quilos de serenidade construídos
nos quilos de amor que tes dentro
nos quilos de aprendizaxe e colectividade
nos quilos de transfeminismo
nos quilos de vontade e desexo
e quilos e máis quilos e máis quilos de
serenidade,
amizade e amor
esmagando ao teu paso
todo o feo
o inxusto
o violento.”

100

Catro Ventos Editora @catroventos.gal · 13/08/2026

As opresións que frean a escrita. A creación doutros espazos, a representación de subir a un escenario. A música de Sacha na horta e o gozo colectivo. Disto e máis fala Andrea Rico Adega en “Razóns de peso”. 👉 Podes conseguilo en catroventos.gal/produto/razo... ou librarías.

“Nalgún momento o feito de ver o meu corpo chantado nun palco, movéndose libre e gozando profundamente, chamou a atención doutras, fixo tamén gozar. Unha muller gorda expóndose ante outras choutando, suando, contorsionándose, derreténdose e, ademais, desinhibida e feliz. Que cousa! Que movida! Que raro, que tola, que noxo, que flipada, que atrevida, que valente!“

“Subir a un palco, mostrarse publicamente, partillar quen es. Ocupar espazos, (ex)pór o corpo, deixarse ver. Accións máis ou menos cotiás que, ao tempo, posibilitan ter referentes e ampliar os marcos das representacións sociais que nos apoian na construción de imaxinarios e realidades alternativas, máis xustas e desexábeis. Tamén o é transgredir a norma e se, como neste caso, é dende o pracer, precisamos facelo aínda máis e con maior convicción do que nos achega e achega ao mundo.“

100

Catro Ventos Editora @catroventos.gal · 12/08/2026

A delgadeza dos 2000 e as dietas da infancia. A moda, política, que exclúe o que sae da norma. A imposición de ser valente. A representación e a resistencia. Disto e máis fala Vanessa Glemsel en “Razóns de peso”. 👉 Podes conseguilo en catroventos.gal/produto/razo... ou librarías.

“Sempre adorei as baleas e odiei as matemáticas, quizais porque elas marcaron a cifra na que deixei de ser persoa. Entón tocoume entender un mundo medido en estreiteces, un sistema de cintas métricas e calorías que converteu o meu corpo nun campo de batalla sen fin. Un cúmulo de sistemas e células cheo de patoloxías con nomes recargados, un estado imperfecto do ser. No fondo, todo aquilo só quería dicir «adelgaza, puta vaca! Así non te queremos, así non nos serves».“

“A moda, entón, móstrase como un campo de batalla onde a identidade está profundamente marcada pola pertenza a un determinado estrato económico e social. Ata nisto a moda é política porque, máis alá de ser unha simple cuestión estética, é unha declaración sobre quen é digne de ser incluíde e de ser representade. Deste xeito, as corporalidades non normalizadas fican alleas ao mundo ordinario e limitadas baixo etiquetas como talles especiais, plus size, curvy, petit...”

100

Catro Ventos Editora @catroventos.gal · 10/08/2026

A lembranza do trauma nun corpo ferido. A enfermidade para a cal non hai protocolo. O corpo que se expande e a traizón de vivir contra unha mesma. O problema na mirada. Disto e máis fala Alba Cobo en “Razóns de peso”. 👉 Podes conseguilo en catroventos.gal/produto/razo.... ou librarías.

Aviso de contido: referencias a abusos sexuais

“O meu corpo non era só gordo, non era só xulgado ou ridiculizado. Era un corpo ferido. Un corpo que fora violado, traizoado, marcado sen consentimento. E, de súpeto, todo cambiou. Xa non era só que non me gustase; era que me daba noxo. Mirarme ao espello era como observar unha ruína, un lugar devastado. Sentíame habitante dun corpo alleo, dunha carne que non era miña, que non recoñecía.“

“Ningunha debería ter que elixir entre a súa saúde mental ou estar gorda. Ningunha debería odiar o seu corpo por sobrevivir. Ningunha debería pasar a súa vida intentando adaptarse a un sistema que a nega. E porque, ao final, sempre o soubemos, aínda que nolo quixeran ocultar: o segredo era estar xuntas.“

100

Catro Ventos Editora @catroventos.gal · 07/08/2026

A gordofobia, o racismo e a bifobia conectadas no sistema colonial. A litóclase como laceración ancestral. O amor condicional e a culpa, a familia, Atl. Disto e máis fala Aranxa Vicens en “Razóns de peso”. 👉 Podes conseguilo en catroventos.gal/produto/razo... ou librarías.

“É comprensible que Citlali namorara de calquera que lle prestase atención. Toda a súa vida lle ensinaran que non era suficiente, nin para ela, nin para a súa familia, nin para es súes amigues; anticipaba que as súas parellas non serían unha excepción. O único que tiña seguro é que era gorda, e por selo non merecía, non facía, non quería, non decidía, nin moito menos tiña expectativas, asumiu vehementemente que es demais sempre farían o que quixesen con ela. Verbo mata carita, pero non corpo.“

"—Oxalá puideses verte cos ollos cos que te vexo —dixo Deva, mentres vía a Citlali apertarse a barriga diante do espello.

O reflexo era confuso, tiña cabeza de porco, pernas de elefante, e en vez de brazos unhas ás de bolboreta monarca abríanse e pechábanse de forma coqueta. Sabía ben que era dismorfia, pero en realidade se sentía un alebrije; non só era gorda, tamén castaña, tamén tiña trazos físicos que a facían sentir entre as gordas, a máis gorda.“

100

Catro Ventos Editora @catroventos.gal · 06/08/2026

As mulleres que "se abandonan" en loita constante, e a presión estética. O corpo como decisión persoal e política. Influencers, operacións, O Principiño, os escotes... Disto e máis fala María Von Touceda en “Razóns de peso” 👉 Podes conseguilo en catroventos.gal/produto/razo... ou librarías

“Se para ser muller teño que poñer unhas pestanas que non son as miñas, unhas uñas que tampouco me pertencen, uns dentes que dan grima do artificiais que son, operar os beizos, o nariz… Mudar todas as faccións da cara que herdaches e facer do rostro e do corpo algo totalmente diferente ao que vén dado… Non sei, realmente encóntraste no espello sendo quen non es?”

“Vivimos nun mundo onde pasan tantas cousas horrorosas que se a única meta que tes é estar delgada isto fai de ti unha persoa totalmente disociada da realidade. Anda que non hai cousas verdadeiramente importantes para preocuparse que non sexan as túas propias chichas.

A min preocúpame non chegar a mediados de mes —porque a finais xa sería un soño— que a miña familia estea ben, que non nos coma o fascismo, que alguén free o Trump, que cesen os feminicidios, que legalicen as drogas, que triunfen a beleza e o talento…”

100

Catro Ventos Editora @catroventos.gal · 05/08/2026

As vidas paralelas de Ventura e Patrocinio, dúas colegas gordas antes que calquera cousa. O tamaño que fala por elus, o corpo clickbait. A disidencia conxunta e os xiros normativos. Disto e máis fala Lucía Aldao en “Razóns de peso” 👉 Podes conseguilo en catroventos.gal/produto/razo... ou librarías

“Ventura e Patrocinio eran coleguísimas, e o que tiñan de colegas tíñano tamén de gordas. Gorde ou gordo, nun dos casos, e gorda no outro, para ser exactas. Por xunto dicíanse gordas. Gordas no DNI, gordas 24/7, gordas de moitos X antes do L, gordas quixesen ou non, gordas antes que calquera outra cousa, porque calquera outra cousa estaba superada, ou aceptada, ou evolucionada, ou pasada por riba alegremente nas súas vidiñas, cheas dos atrancos típicos de calquera vida —quizais algún máis— agás o tema de seren xente gorda. E non ía a peli sobre traumas, vergoñas, culpas ou complexos, que va, xa non.”

“Incluso estando a ben cos seus corpos, camiñando polas rúas sen matar a ninguén, o seu tamaño falaba por elus todo o tempo, e vese que dicía cousas terribles sobre a súa capacidade de control, sobre a súa hixiene, sobre a súa pretensión de beleza, sobre a súa fame, saúde, inquedanzas, dereitos... todo. Un corpo gordo é un clickbait, xera unha necesidade a saciar: a de ser cruel.”

100

Catro Ventos Editora @catroventos.gal · 04/08/2026

A infancia entre nenas e nenos, coa asociación forzosa do adelgazamento co amor. O equilibrismo de xénero e a necesidade de mudar o corpo. As preguntas e a comunidade trans. Disto e máis fala Andre Bosque en “Razóns de peso”. 👉 Podes conseguilo en catroventos.gal/produto/razo... ou librarías.

"Aparecen a palabra e a comunidade trans. Máis alivio, máis permiso, máis alegría. Descubro a posibilidade real de facer desaparecer os meus peitos, cultivando a miña voz profunda, a barba desexada e, finalmente, acceder a ser visto como un neno. Remuíño.
Encheme de esperanza, dúbidas e recordos.
E certo que esta vez está nas miñas mans? Se cambio, poderei realmente sentirme parte, ou será a mesma sensación de ser unhe impostore que sentín cando estaba delgade?"
"O meu corpo gordo dime que cambiar nunca foi sinónimo de paz, descanso ou verdadeiro sentimento de valía."

"Canto cambiou a miña vida experimentar, tan cedo e tan agudo, que é imposible sentirme viste se teño que cambiar para que me vexan. Que é imposible pertencer se teño que deixar fóra a metade de min. É imposible sentirme fermose despois de ter que disimularme. Sentirme amade despois de necesitar odiarme.
Querides neni e adolescente que viven dentro de min, estamos aprendendo a devolverlle o malestar a quen nos incomoda.
O noso peito ten aire."

110

Catro Ventos Editora @catroventos.gal · 03/08/2026

O desexo polos corpos monstruosos. A recuperación da fodincha gustosa nunha sauna sex positive, bollera, bibollera, trans, intersex e de persoas non binarias. Disto e mais fala Mercè Nebot Ventura en “Razóns de peso”. 👉 Podes conseguilo en catroventos.gal/produto/razo... ou librarías.

“Foi lambendo outro corpo
a rugosidade da enorme cicatriz
enriba da teta
ese outro cu enorme
aquela mamila tamaño Chupa Chups

será desexo?
será desexo por eses corpos monstruosos?
lambería as túas estrías
pero sempre fun da moral absurda de non foder coas amigas”

$“Ser gorda como unha bendición para ver a vida desde a barreira e enriquecerme con iso e non como unha debilidade, como estaba afeita na adolescencia. A comunidade levoume a gozar da miña experiencia, do fracaso do meu corpo xorde a necesidade de reflexionar sobre o mesmo, as súas vivencias, as súas derrotas e os camiños ao pracer.”$

110

Catro Ventos Editora @catroventos.gal · 01/08/2026

O ex que te deixa por gorda. A nai e a avoa que ensinan a odiar, porque a elas tamén llelo ensinaron. Betty a gorda. O amor entre iguais que ensina amor propio. Disto e mais fala Angelly (Angy) Ferreiro Silva en “Razóns de peso”. 👉 Podes conseguilo en catroventos.gal/produto/razo... ou librarías.

“Disciplineime no odio,
tal e como me ensinastes.
Cada día, dieta tras dieta,
esforzábame por desaparecer.

Mamá, avoa,
descúlpome por seguir ese legado.
Por crer que o voso amor tamén era castigo,
que para pertencer había que doer.

Pero tamén me desculpo comigo,
por cada vez que me pedín perdón
e non mo concedín.“

“Mírome en ti, na túa barriga que se move cando ris,
nos teus brazos fortes que non temen mostrar debilidade.

E, nese reflexo,
empezo a soltar a dureza coa que me tratei tantos anos.
Empezo a ser máis tenra, como o son contigo.
Porque se podo amar cada parte de ti,
entón podo aprender a amar cada parte de min.”

111

Catro Ventos Editora @catroventos.gal · 31/07/2026

Os TCAs en corpos gordos. A celebración da perda de peso, a aceptación social da enfermidade por un ideal estético. Outros xeitos de achegarse á saúde alén dun número. Disto e mais fálanos Adriana Guede en “Razóns de peso”. 👉 Podes conseguilo en catroventos.gal/produto/razo... ou nas librarías

“Na miña cabeza, un corpo gordo e un trastorno da conduta alimentaria —TCA— eran conceptos mutuamente excluíntes. A idea de que unha persoa obesa puidese ter bulimia parecía ridícula. Esa crenza, tan profundamente arraigada na miña mentalidade, fixo que aceptar o diagnóstico e iniciar un tratamento me levara máis dunha década. Aínda hoxe sinto que estou a medio camiño.”

“Os corpos gordos son sistematicamente excluídos das narrativas dos TCA. Nunha cultura obsesionada coa delgadeza, as condutas asociadas aos trastornos, como o xaxún ou os vómitos, non só son toleradas en corpos gordos, senón celebradas como esforzos cara a un ideal estético. Isto non só perpetúa a enfermidade; ocúltaa.”

“Como imos recoñecer os síntomas, se son estes os que nos teñen que levar a ese inequívoco lugar ideal, o famoso talle 38? Como sermos capaces de identificar unha relación violenta coa comida se precisamente é esa relación a que nos fará chegar á aceptación e ao amor des demais?”

100

Catro Ventos Editora @catroventos.gal · 29/07/2026

En xuño, a revista viguesa A Movida centrouse na comunidade queer. “A gordura é cuir” foi o título co cal Andrea Nunes e Leticia Citoula escribiron un artigo para a súa sección A Tribuna 🌈 👉 Podes lelo completo en amovida.gal/revista-de-x...

A representación cuir na cultura galega segue presa dunha norma silenciosa:
a da delgadeza.

Nos espazos disidentes repítense os mesmos corpos: delgados e normativos. Mais os corpos gordos rachamos algo máis fondo: o propio binarismo de xénero.

Porque o desexo se constrúe desde unha idea moi concreta de corpo. A heterosexualidade é delgada. A monogamia é delgada e moitas formas de disidencia tamén.

110

Catro Ventos Editora @catroventos.gal · 20/07/2026

Este sábado 25X estaremos nas Xornadas Socialistas pola Autodeterminación da CMS 🕑 14:00 - 20:00 📍 Parque de Belvís, Compostela 🎟️ Entrada de balde Vinde saudar! Levaremos a nosa antoloxía “Razóns de peso” e algúns libros doutras editoras amigas ✨

25 de xullo, xornadas socialistas no parque de Belvís en Compostela. Catro Ventos estará na feira do libro entre as 14:00 e as 20:00, entrada de balde. Tamén haberá exposicións, foliada, concertos, xantar, charla e DJs

020

Catro Ventos Editora @catroventos.gal · 13/07/2026

Dietas disparadoras de TCAs para nenas felices. A celebración da perda de peso, mesmo cando é unha materialización da dor. A re-aprendizaxe do amor polo corpo propio. Disto e máis fala Vanesa de Sousa en “Razóns de peso”. 👉 Telo en ebook e físico en catroventos.gal/produto/razo... e nas librarías

“Creo lembrar que a miña primeira dieta foi aos nove anos. Quedoume gravada a frase que me dixo un endócrino «Vanesa, a única comida que non engorda é a que deixas no prato». Un disparador dun trastorno de conduta alimentaria marabilloso. Dende ese momento, e durante moito tempo, crin, merquei, consumín e avalei sen dúbida a cultura da dieta, de adelgazar a base de forza de vontade, de restrinxir, de estreitar o meu corpo, a miña mente.”

“Cando baixaba de peso observaba como o mundo mudaba en relación a min, reforzando, sen saber a orixe da miña delgadeza, o ben e guapa que estaba, o aspecto saudable que tiña, e preguntando cal era a fórmula máxica.

Esa suposta maxia implica renunciar a ceas e comidas familiares ou con amizades, á cervexa despois do traballo e a saír, para así estar na casa e pesar cada alimento que entra no teu corpo. Renuncia, en definitiva, a ser un ser social, a pesar de precisarmos das demais persoas para vivir, para sermos felices, para validarnos, para reforzar o noso xeito de estar no mundo con respecto aos outros.”

100

Catro Ventos Editora @catroventos.gal · 09/07/2026

Buscamos o teu livro! Queres publicá-lo connosco? 🫣

Queremos a tua obra inêdita em língua galega em qualquer das suas opçons ortográficas

Buscamos obras de criaçom, nom de ensaio: romances, contos, poesia, banda desenhada ou outros estilos que nem imaginemos

Envia-nos sinopse, currículo e obra a propostas@catroventos.gal antes do 31 de julho

023

Catro Ventos Editora @catroventos.gal · 09/07/2026

Buscamos o teu libro! Queres publicalo connosco? 🫣

Queremos a túa obra inédita en lingua galega, en calquera das súas opcións ortográficas

Buscamos obras de creación, non de ensaio: novelas, contos, poesía, banda deseñada ou outros estilos que nin imaxinemos

Envíanos sinopse, currículo e obra a propostas@catroventos.gal antes do 31 de xullo

122

Catro Ventos Editora @catroventos.gal · 06/07/2026

🎧 Sube o volume para escoitar as cancións do verán, onde Itziar Castro, @bobpop.bsky.social, Chelo do Rejo… SI caben! (continúa nas respostas 🧵)

120

Reposted by Catro Ventos Editora

O Salto Galiza @osaltogz.bsky.social · 05/07/2026

📖Dezanove razóns de peso para ler un libro colectivo contra a gordofobia Por @javierhrguez.bsky.social osalto.gal/culturas/vinte-razons-pe…

2116

Catro Ventos Editora @catroventos.gal · 02/07/2026

Vémonos este domingo 5 de xullo, ás 12:00, na Feira do libro de Vigo! 💖 As coordinadoras, Andrea Nunes e Leticia Citoula, estarán asinando o libro “Razóns de peso” na caseta da libraría Lila de Lilith.

Cartaz da sinatura de Razóns de peso na feira do libro de vigo. Vai ser o domingo 5 de xullo ás 12:00 na caseta da libraría Lila de Lilith, a número 1. Estarán as coordinadoras: Andrea Nunes e Leticia Citoula.

000

Catro Ventos Editora @catroventos.gal · 16/06/2026

O corpo gordo como invisíbel, mais ocupando moito espazo. O bikini como resistencia. O desexo como suxeito. A autoestima coa vulnerabilidade e o ativismo. Disto e máis fálanos Violeta Maroto en “Razóns de peso”. 👉 Xa podes conseguilo como ebook e físico en www.CatroVentos.Gal, ou nas librarías

"A miña identidade constrúese máis como gorde que como muller, xa que o corpo gordo non recibe os mesmos ditados de xénero. Unha persoa gorda non cadra no parámetro da feminidade, polo menos non da imperante. Queda fóra do desexo, fóra da ollada masculina ao deixar de ser obxecto. Os corpos gordos, ao non encaixar, non se rexen polo ditado do que socialmente significa ser muller."

"Fun a amiga da guapa. Fun e son moitas veces a gorda da festa. Non fun consciente do meu propio pracer e capacidade de decidir até que comprendin que non se trataba de subir a trens alleos, senón de mudar quen nos mira. Decidín desbotar a ollada masculina do desexo, e buscalo internamente. Este proceso foi unha criba de como quería relacionarme. Con todo, ás veces sinto que quero renunciar do desexo, porque todo está atravesado pola normatividade, pero, si, hai un lugar para os corpos gordos."

101

Catro Ventos Editora @catroventos.gal · 12/06/2026

Os textos do libro “Razóns de peso” son de 19 autorías diferentes. Foron escritos de xeito independente, sen guía. Aínda así, hai moitos fíos e palabras que os conectan 🕵️ O e-book está disponíbel en: catroventos.gal/produto/razo...

000

Catro Ventos Editora @catroventos.gal · 10/06/2026

🗯️ “Todos os corpos son dignos de ser vividos plenamente” 🌈 E o activismo gordo merece chegar á radio, aos libros e a todos os recunchos. Este é un fragmento da entrevista a Leticia Citoula e Andrea Nunes no Diario Cultural da Radio Galega.

040

Catro Ventos Editora @catroventos.gal · 05/06/2026

O IMC como sentenza arbitraria para a maternidade e o Ozempic como pretendido milagre. As fotos onde apareces tapada, metendo barriga. Mais tamén os festivais gordos e o transfeminismo. ✨ Disto e máis fala Leticia Citoula en “Razóns de peso. Desbordamentos, desexos e outras incomodidades gordas”

O feito de ser gorde ten que ser un proceso transitorio, algo que se debe modificar con urxencia e ao prezo que for. Porque que importa a nosa saúde, que importan os motivos. Sexa porque estás cunha angustia terrible para pagar o alugueiro, que non para de subir, ou recibindo tratamento oncolóxico ou facendo dó pola morte dunha amiga ou familiar, sexa polo que sexa, o único que importa é que esteas delgada.

Existe unha infinidade de estruturas públicas e privadas nas cales a cruzada contra a persoas gordas é declarada: a federación mundial da obesidade, a alianza de cidades contra a obesidade, o Plan de Obesidade Zero “en Galiza, e moitas máis. Non hai, pola contra, unha mirada ampla e integral na saúde da sociedade. Sen ir máis lonxe, no noso país son exemplos: o desmantelamento do sector primario e sostible, a precarización dos menús dos comedores escolares, a ausencia de espazos verdes e saudables, a privatización do sistema galego de saúde, por non nomear o abandono de especialidades tan fundamentais como a saúde mental.

Cita de Leticia Citoula en Razóns de peso

100

Catro Ventos Editora @catroventos.gal · 02/06/2026

🥵 Desexaches un corpo gordo algunha vez? Se non o fixeches, pode que che sexa útil aprender sobre a gordofobia. Porque o desexo tamén é político.

141

Catro Ventos Editora @catroventos.gal · 29/05/2026

Hai uns días, Andrea Nunes deu esta entrevista en El Correo Gallego e presentamos “Razóns de peso” na libraría Lila de Lilith! 🌈 Queremos unirnos na reivindicación da representación digna e do desexo. Tamén felicitala por ese premio Follas Novas 💖 www.elcorreogallego.es/santiago/202...

elcorreogallego.es

Andrea Nunes Brións: «A gordofobia é unha cuestión política e social»

Andrea Nunes Brións presenta na Lila ‘Razón de peso’, a poucos días de publicar ‘Begoñísima’ e de recoller o Premio Follas Novas por ‘Mapa da estría’

010

Catro Ventos Editora @catroventos.gal · 26/05/2026

Dietas de 1000 calorías para un corpo sinalado. Un corpo que foi capaz de recoñecer iguais, soster afectos e loitar. Disto e máis fala Antonella Rodríguez Acosta en “Razóns de peso”. 👉 Xa dispoñíbel en ebook e formato físico a través de www.catroventos.gal, ou na túa libraría máis próxima

“Non lembro o día exacto no que me decatei de que era gorda. Lembro, iso si, que a miña familia o dicía a miúdo, con esa verborrea afiada que empregaban para destacar as miñas carnes.

(...)

Non houbo un momento exacto, quizais dende sempre fun gorda. Quen sabe, quizais o doutor, no lugar de anunciar «vai ser nena» ou «vai ser neno» —seguindo a charramangueira tradición de revelación de xénero— dixo «Vai ser gorda» e condenoume daquela á perdición. Sempre fun gorda.“

“Un día, sentei en clase a carón dunha poeta gorda e namorei. Namorei porque cada unha das súas palabras era como unha aperta á alma. Deslicei polas redes e coñecín unha activista que falaba do noso dereito a existir como gordes. Lin textos que poñían nome ao que pasara toda a vida sen saber dicir. Vin unha película cunha protagonista non normativa. Vin mulleres gordas amar, crear, ocupar espazo sen pedir permiso. Escoitei risas que non falaban de dietas. Habitei espazos onde o meu corpo non era un problema a resolver. E decateime, por primeira vez, de que non estaba soa.“

143

Catro Ventos Editora @catroventos.gal · 21/05/2026

Onte desbordamos a Lila cunha presentación moi especial para nós, nunha libraría que é fogar de moitos libros e iniciativas referentes. Unha libraría que é referente e acubillo en si mesma! 💖

A libraría Lila de Lilith chea nunha presentación do libro “Razóns de peso”. Falan as coordinadoras: Andrea Nunes e Leticia Citoula, e a editora: Xiana Iglesias

Andrea Nunes recita de pé o poema que dá titulo ao libro

Despois da presentación, encontros agarimosos coa xente

As coordinadoras co libro: “Razóns de peso. Desbordamentos, desexos e outras incomodidades gordas”.

041

Catro Ventos Editora @catroventos.gal · 11/05/2026

20 de maio, garda a data! 🌈✨ Estaremos na libraría Lila de Lilith presentando “Razóns de peso”. Será un encontro coas coordinadoras, Andrea Nunes e Leticia Citoula, e a editora, Xiana Iglesias.

Cartaz da presentación de "Razóns de peso: desbordamentos, desexos e outras incomodidades gordas" na libraría Lila de Lilith. Vai ser o día 20 de maio ás 19:00, e estarán as coordinadoras (Andrea Nunes e Leticia Citoula) e a editora (Xiana Iglesias)

121

Catro Ventos Editora @catroventos.gal · 08/05/2026

🌈 Onte participamos no encontro “Escritas desbordadas: narrar o que incomoda”, no Corufest, na Biblioteca Ágora. Deixamos unhas fotos de Claudia L. Franco desta xornada onde desbordamos. Porque escribir e editar nas marxes tamén é formar parte dunha comunidade ben linda e, sempre, aprender!

O encontro “Escritas desbordadas” no Corufest. Con Leticia Citoula, Andrea Nunes, Miguel Calvo, Daniel Amarelo, Alva Lourenço e Nee Barros. Na biblioteca Ágora da Coruña

Os libros en conversa: Razóns de peso, Guia de linguagem não-binária e As esquinas

Encontros co público. Leticia Citoula sorrindo

Diego Maseda, coordinador do clube de lectura Queeruña, xunto con Andrea Nunes e Lucía Aldao

030

Catro Ventos Editora @catroventos.gal · 09/04/2026

Un novo libro chega ao mundo! Mais antes queremos agradecer a todas as persoas que cederon material e tempo para o micromecenado 🥹 👉 “Razóns de peso” xa está dispoñíbel para prevenda en catroventos.gal/produto/razo..., e chegará ás librarías o 10 de abril

Un novo libro chega ao mundo: “Razóns de peso. Desbordamentos, desexos e outras incomodidades gordas”. Coordinado por Andrea Nunes Brións e Leticia Citoula, con prólogo de Magda Piñeyro. O 10 de abril nas librarías. Mais antes queremos agradecer a todas as persoas que cederon material e tempo para o micromecenado

O éxito do micromecenado foi posíbel pola colaboración desinteresada de: Chapatízate, Éric Dopazo, O Mel da Inés, Festival "Y se armó la gorda", Iván Folgueira, Maos Innovación Social, Piratas sen parche, Aranxa Vicens, Cristy Tojo - Avalon Kai, Andrea Vegabreu, Magda Piñeyro, Mané (Andrea Rico Adega), Agrocuir da Ulloa, Xiana Quintas, Vanessa Glemsel, Xícara Tenda, Ugia Pedreira, Andrea Nunes, Casa Castro, Árbore Azul, Dacal, Nuria Vil, A Arca da Noe, Ailén Kendelman e Areta Bolado, Mercedes Peón, Tamborililás, PAVA, Pilar Briones, Marabillarte, Cestola na Cachola, Yoseba MP, Séchu Sende, Vanesa de Sousa.

Agradecemos tamén a axuda da plataforma Verkami e de todes es mecenas.

010

Catro Ventos Editora @catroventos.gal · 07/04/2026

Ficas convidade! 💖🌈🫂 Este venres 10, presentamos en Compostela o primeiro libro desta nova etapa. Será un evento festivo e moi especial, coas coordinadoras e diversas autorías, anímaste? ✨ Vémonos o día 10 ás 19:00 na Casa do Taberneiro!

Cartaz da presentación do libro “Razóns de peso. Desbordamentos, desexos e outras incomodidades gordas”. Será o venres 10 abril ás 19:00 na Casa do Taberneiro. Con Andrea Nunes, Leticia Citoula e diversas autorías. Aparece a capa do libro, un cadro de María Meijide cunha muller gorda espida na capa

010

Catro Ventos Editora @catroventos.gal · 05/03/2026

Estamos a tomar decisións para a publicación do noso primeiro libro! Visitamos Jadfel e levamos moitas ideas. Continuaremos coa ecoedición da anterior equipa, mais restan detalles por precisar 👀 En abril publicamos “Razóns de peso” e xa podes reservar o teu exemplar en i.gal/RazonsDePeso! 💖

031

Catro Ventos Editora @catroventos.gal · 03/03/2026

Temos un agasallo para toda a xente que participe en i.gal/RazonsDePeso 💖

030

Catro Ventos Editora @catroventos.gal · 16/02/2026

MOITAS GRAZAS! 🫂🩷✨ Co apoio de quen achegastes, Razóns de peso vai ser realidade en abril deste ano! Tamén poderemos remunerar as autorías e facer un evento festivo de presentación. Mais aínda restan recompensas en 👉 i.gal/RazonsDePeso *O diñeiro extra usarémolo para imprimir máis exemplares

i.gal

Participa en el Crowdfunding "Razóns de Peso. Desbordamentos, desexos e outras incomodidades gordas" en Verkami

Libro coral sobre activismo gordo, con 19 autorías e enfocado en Galiza

073

Reposted by Catro Ventos Editora

Maos Innovación Social @maos.gal · 06/02/2026

2x1! Coñece a Emilia Pardo Bazán e apoia un proxecto pioneiro con 10 € 💖 A Pardo Bazán fixéronlle caricaturas rindo da súa gordura. Nós imos redescubrila como muller polifacética, envolta na polémica, case sempre por ser muller escritora con opinión propia. 👉 Consigue praza en i.gal/RazonsDePeso

Interésache a figura de Emilia Pardo Bazán? Por 10 € podes asistir a un roteiro por espazos de Compostela vinculados coa súa vida e obra. O diñeiro será destinado á publicación dunha antoloxía de activismo gordo. Máis info en i.gal/RazonsDePeso

174

Catro Ventos Editora @catroventos.gal · 03/02/2026

🎁 SORTEO!! 🌈 Estamos a traballar na primeira antoloxía contra a gordofobia en galego! Podes reservala en i.gal/RazonsDePeso ✨ Se participas antes do 10/2, entras no sorteo de 5 libros contra a gordofobia (e máis)

Queres entrar no sorteo deste pack de 5 libros contra
a gordofobia e máis?

Participando en i.gal/RazonsDePeso antes do 10 de febreiro entras no sorteo dun pack de libros de autorías de Razóns de peso: Mapa da estría de Andrea Nunes, Anatomía de Violen Maroto, Más puñaladas da el hambre de Adriana Guede, Stop gordofobia y las panzas subversas de Magda Piñeyro, 10 gritos contra la gordofobia de Magda Piñeyro. E axudas á publicación da primeira antoloxía contra a gordofobia en galego!

132

Catro Ventos Editora @catroventos.gal · 01/02/2026

Axúdasnos a publicar o noso primeiro libro, sobre activismo gordo? 🩷 👉 Achega e espalla o crowdfunding, onde xa podes comprar o libro ou outras recompensas variadas: 🔗 i.gal/RazonsDePeso E se participas nos primeiros días… podes gañar algún detalle extra 👀

152

Catro Ventos Editora @catroventos.gal · 30/01/2026

Axúdasnos a publicar o noso primeiro libro, sobre activismo gordo? 🩷 Para que vexa a luz, precisamos do voso apoio e difusión: 👉 Achega e espalla o crowdfunding, con recompensas variadas 🔗 i.gal/RazonsDePeso E se participas nos primeiros días… podes gañar algún detalle extra 👀

Se tanto somos unha editora... haberá que publicar un libro! En i.gal/RazonsDePeso podes axudarnos a financiar un libro de activismo gordo, con 19 autorías e enfocado en Galiza. Nesta imaxe vemos a Leticia Citoula e Andrea Nunes, persoas gordas felices, coordinadoras da antoloxía

Unha composición cos nomes de todas as persoas autoras: Adriana Guede, Ailén Kendelman, Areta Bolado, Alba Cobo, Andre Bosque, Andrea Nunes, Andrea Rico Adega (Mané), Angelly Ferreiro Silva, Antonella Rodríguez Acosta, Aranxa Vicens, Iván Folgueira Pérez, Leticia Citoula, Lucía Aldao, Magda Piñeyro, María von Touceda, Mercè Nebot Ventura, Vanesa de Sousa García, Vanessa Glemsel, Violeta Maroto Romero

Desde 3€ podes conseguir: agradecementos, ebook, libro, merenda literaria, almorzo riquiño, obradoiros variados, sesión de asesoramento de imaxe, cea concerto, durmida, e libro, 10 libros e presentación

E como engadidos: chapas, agradecementos, audios, vídeos, bolsas de tea, sinaturas, ebooks, botes de mel, conversas, rutas, libros, camisolas, fanzines, carpetas, partituras, espazos, fotos, láminas, broches, brincos, cazadoras, roupas

En i.gal/RazonsDePeso

Se participas antes do 10 de febreiro entras no sorteo dun pack de libros de autorías da antoloxía

155

Catro Ventos Editora @catroventos.gal · 29/01/2026

🌬️ Fica oficialmente apresentado o conselho editorial! A nova Catro Ventos somos a Xiana, a Zaira, o Óscar... e ê @neeumatiko.bsky.social: gestor cultural com a diversidade como terra e a divulgaçom como semente 💙 E se isto é uma editora, teremos que falar de livros... manhá anunciamos o primeiro 👀

Apresentamos a nova equipa. Quem é ê Nee? desliza para saber mais delu!

Um livro que todes deveríamos ler?
Trompeta, de Jackie Kay.

E em galego, traduzido por María Reimóndez.

Tes alguma mania leitora?
Sublinhar muito, todo.

Se fosses um livro, em que estante da biblioteca estarias?
Iria mudando de secçom por nom encaixar demasiado em nenguma.

Que tipo de livros gostarias de publicar?
Livros com representaçom LGBTIQA+, livros que ajudem a introduzir-se em temáticas ou olhares e que abram perguntas. Também livros incômodos.

O melhor lugar para ler?
No calorinho da casa, com persoas e animais que quero perto.

Uma autoria a quem lhe comprarias o seguinte livro mesmo sem ler a sinopse?
María Reimóndez e Alice Oseman.

Uma personagem literária com quem tomarias um té?
As das minhas histórias, para que critiquem os jeitos em que nom as contei bem.

083

Catro Ventos Editora @catroventos.gal · 28/01/2026

E como di a gente... nom há 2 sem 3! 😚 O @oscarsenragomez.bsky.social define-se como multiplataforma e multimodal, como o seu título em Ciências Sociais. A nova equipa somos 4, assim que manhá acabamos de apresentar-nos! E depois falamos de futuros 💚

Apresentamos a nova equipa . Quem é o Óscar? desliza para saber mais dele!

Um livro que todes deveríamos ler? Seique, de Susana Sanches Arins.

Tes alguma mania leitora?
Ler vários livros à vez e ir juntando mais e mais e...

Se fosses um livro, em que estante da biblioteca estarias?
Em "Outros".

Que tipo de livros gostarias de publicar?
De todo!

O melhor lugar para ler?
A cama.

Uma autoria a quem lhe comprarias o seguinte livro mesmo sem ler a sinopse
Maggie O'Farrell.

Uma personagem literária com quem tomarias um té
Pippi ou Lotta, duvido.

042

Catro Ventos Editora @catroventos.gal · 27/01/2026

Continuamos coas presentacións! 👀 A nova equipa de traemos máis recomendacións, teimas e por onde queremos continuar 💭 Se onte presentabamos á Xiana, hoxe continuamos coa Zaira: historiadora da arte que aposta por transformar a sociedade a través da cultura. Aquí podes saber un pouco máis dela

Presentamos a nova equipa: quen é a Zaira? Desliza para saber máis dela!

Un libro que todes deberiamos ler? O sentido do abraio, porque no mundo tan caótico e acelerado en que vivimos hai que buscar momentos para parar e poder desfrutar e marabillarnos coas pequenas cousas que temos ao noso redor.

Tes algunha manía lectora?
Anoto moitas frases de libros ou poemas que me gustan en cadernos, follas, nas notas do móbil...

Se foses un libro, en que estante da biblioteca estarías?
Estante de novidades.

Que tipo de libros che gustaría publicar?
Calquera que me faga pensar, cuestionarme a miña realidade e os meus privilexios, especialmente de poesía.

O mellor lugar para ler?
No inverno sempre debaixo da manta, o resto do ano no exterior ben sexa no xardín, na horta, na praia…

Unha autoría a quen lle comprarías o seguinte libro mesmo sen ler a sinopse?
Olga Novo.

Unha personaxe literaria con quen tomarías un té?
Con Medea, a reintepretación da figura mitolóxica grega que fai Dahlia de la Cerda no seu libro Medea me cantó un corrido.

042

Catro Ventos Editora @catroventos.gal · 26/01/2026

E nós... de quen vimos sendo? 🤨 As persoas que continuamos Catro Ventos Editora somos catro, e cadaquén temos os nosos gustos, teimas e recomendacións. Comezamos coa Xiana: cociñeira comunicativa, con xornalismo, artes gráficas e sen mandil 🩷

Presentamos a nova equipa: quen é a Xiana? Desliza para saber máis dela!

Un libro que todes deberiamos ler? El libro de los abrazos.

Tes algunha manía lectora?
Gústame limpar os lentes antes, pero rara vez topo o pano para facelo.

Se foses un libro, en que estante da biblioteca estarías?
Gustaríame ser desde libros que transitan pola casa, pasan do sofá ao aseo, viven unha temporada na cociña e cando os metes no estante non caben e teñen que poñerse en horizontal sobre os demais.

Que tipo de libros che gustaría publicar?
Libros para a revolución, interna e externa.

O mellor lugar para ler?
Un bar nunha cidade/vila que coñeces pouco, o sofá e a sombra dunha árbore (en concreto, a moreira da casa familiar).

Unha autoría a quen lle comprarías o seguinte libro mesmo sen ler a sinopse?
Por quedar ben, digo alguén que xa non publica máis :P Mercaría todo de Gata Cattana.

Unha personaxe literaria con quen tomarías un té?
Con Antígona, para falar da forza e a morte.

072

Catro Ventos Editora @catroventos.gal · 26/01/2026

Ola bluesky! Teremos que presentarnos, ou?

063