Karl Deisseroth, Peter Hegemann, na Georg Nagel walipewa tuzo hiyo "kwa uvumbuzi wao kuhusu njia za ioni zinazohisi mwanga na optogenetics," njia inayoonyesha jinsi seli za neva zinavyounda kumbukumbu,…

Karl Deisseroth, Peter Hegemann, na Georg Nagel walipewa tuzo hiyo "kwa uvumbuzi wao kuhusu njia za ioni zinazohisi mwanga na optogenetics," njia inayoonyesha jinsi seli za neva zinavyounda kumbukumbu, hisia, na tabia katika ubongo. Karl Deisseroth ni Mmarekani, huku Peter Hegemann na Georg Nagel wakiwa Wajerumani. 

"Kwa mpango wa haraka wa kurejesha utaratibu wa kikatiba nchini Guinea-Bissau." Huu ni wito uliozinduliwa Jumamosi, Oktoba 3, 2026, na wanasiasa 24 na wanaharakati kutoka Senegal, Cape Verde, na Guinea-Bissau.

Marais wa Misri, Sudan, Eritrea, na Somalia wamekutana siku ya Jumapili, Oktoba 4, 2026, huko El Alamein, kwenye pwani ya Mediterania ya Misri, kando ya mkutano wa kilele wa Umoja wa Afrika (AU). Mkutano huo ulilenga kuimarisha ushirikiano wao wa usalama na kiuchumi wakati mvutano ukiongezeka tena nchini Ethiopia, nchi ambayo ina uhusiano mgumu na majirane zake hao wanne.  Kiini cha mazungumzo hayo: utulivu katika Pembe ya Afrika, lakini pia faili gumu la ugawaji wa maji ya Mto Nile.

Nchini Uingereza, kesi ya washtakiwa wenza katika kesi kubwa ya ubakaji nchini Uingereza inaanza leo Jumatatu. Mwanamume mmoja mwenye umri wa miaka sitini alikiri kosa la kumpa madawa ya kulevya na kumbaka mkewe kwa zaidi ya miaka ishirini katika kesi ya ubakaji inayofanana na ile ya Mazan.

Fiji imezitaka nchi zilizoendelea kuongeza ufadhili wa kukabiliana  na mabadiliko ya tabianchi na kusaidia mataifa yaliyo hatarini.

Waziri Mkuu wa Uhispania Pedro Sanchez ametangaza leo Jumatatu kwamba ataitisha uchaguzi wa mapema wa wabunge wa Novemba 29, baada ya kukataliwa siku ya Ijumaa kwa hatua ambazo serikali yake ilikuwa imewasilisha kujaribu kuiondoa Uhispania katika mgogoro wake wa makazi.

Waziri wa mambo ya nje wa Iran Abbas Araqchi amesema nchi yake ipo tayari na itajibu kwa nguvu kubwa zaidi iwapo watashammbuliwa tena.

Jeshi la Iran limesema litaanza kufanyia kazi makombora yake kuhakikisha kwamba yanauwezo wa kufika katika maeneo ambayo hayangeweza kufika awali kufuatia vita vyake na Israel na Marekani, limeripoti shirika la Habari la Fars.

Aliyekuwa katibu mkuu wa chama cha ODM, Seneta wa Nairobi, Edwin Sifuna, Jumapili ya wikendi iliopita, alizindua chama kipya cha kisiasa, The Equitable, hatua inayojiri siku chache kupita tangu viongozi wenzake watangaze kumuunga mkono kuwa mgombea wao katika uchaguzi wa mwakani.

Nchini Misri, Mohamed Ashraf mwanahabari wa kituo huru cha Matsadaash ameshtakiwa kwa kosa la kujiunga na kundi la kigaidi, siku chache baada ya wanahabari wote kwenye kituo chake kukamatwa katika kile mashirika ya kiraia yanasema ni oparesheni dhidi ya uhuru wa wanahabari.

Mwanasiasa wa mrengo wa kulia nchini Brazil Flavio Bolsonaro ameongoza katika duru ya kwanza ya uchaguzi wa nchi hiyo, akimshinda rais wa sasa anayetetea nafasi yake Luiz Inacio Lula da Silva, matokeo ambayo yanawafanya wawili hao kwenda kwenye duru ya pili.

Jenerali Paul Valentino Phiri, anayekabiliwa na mashtaka matano, amekamatwa na kuhojiwa na Ofisi ya Kupambana na Rushwa ya Malawi siku ya Alhamisi, Oktoba 1. Aliachiliwa kwa dhamana, anashukiwa kutumia wadhifa wake kuwezesha usafirishaji wa silaha kupitia Lilongwe, mji mkuu wa Malawi, kwenda kwa "vikosi vya waasi nchini Sudan."

Idadi ya vifo kutokana na mlipuko wa Ebola imezidi kizingiti cha 4,000 nchini Jamhuri ya Kidemokrasia ya Kongo, wakati wagonjwa zaidi ya 8,300 wakithibitishwa. Nchi hiyo inakabiliwa na mlipuko mbaya zaidi katika historia yake. Licha ya idadi kubwa ya watu, mamlaka za afya za Kongo zinajaribu kuutuliza umma. Katika mkutano na waandishi wa habari uliofanyika siku ya Ijumaa mjini Kinshasa, Waziri wa Afya Roger Kamba alisema kwamba "kipindi kigumu zaidi kimepita."

 Tangazo hilo limetolewa kwenye mtandao wa kijamii wa X, wakati Vikosi vya Amani vya Tigray (TPF) tayari vilichukua udhibiti wa miji kadhaa kusini mwa Tigray katika siku za hivi karibuni. Uwanja wa ndege wa Mekele ulitekwa mnamo Septemba 23 na Kikosi cha Ukombozi wa Watu cha Tigray (TPLF), mwanzoni mwa shambulio lililoanzishwa na muungano mpya wa upinzani unaopinga serikali ya shirikisho.

Rais wa Guinea, Mamadi Doumbouya, ametoa msamaha kwa wafungwa 217, akiwemo kiongozi wa upinzani Aliou Bah.  Msamaha wa jumla ulitangazwa Ijumaa, Oktoba 2, 2026, kuadhimisha sikukuu ya taifa ya Guinea.

Mnamo Desemba 4, 2025, huko Washington, DRC na Marekani walisaini mkataba kuhusu ulinzi na usalama. Wakati huo, maudhui yake hayakufichuliwa. RFI iliripoti kwamba ilikusudiwa kuandaa njia ya ushirikiano wa karibu zaidi, kulingana na mageuzi ya jeshi la Kongo. Ni aina gani za usaidizi zinazofikiriwa, na chini ya masharti gani?

Viongozi wa kijeshi nchini Guinea Bissau Alhamisi ya wiki hii walisema kuwa mazingira ya kiusalama sio rafiki kwa aliyekuwa rais wa nchi hiyo Umaro Sissoco Embalo kurejea nyumbani, saa chache baada ya kiongozi huyo kutangaza nia ya kugombea tena kwenye uchaguzi ujao.

Mashambulizi mapya ya anga ya Urusi yameathiri jengo la makazi huko Kyiv usiku wa Oktoba 1 kuamkia Oktoba 2, na kuua mtu mmoja na kuwajeruhi wengine wawili. Pia yamezorotesha shughuli kwenye moja ya barabara kuu za zinazotumia sana kwa usafiri jijini humo. Meya wa mji mkuu wa Ukraine amesikitishwa na shambulio hilo ambalo 'limeuharibu vibaya' mji huo.

Umoja wa Mataifa umesema zaidi ya watu 5,700 wameuawa au kujeruhiwa na magenge ya wahalifu nchini Haiti mwaka huu pekee, wakati wa operesheni ya kuyasaka magenge hayo.

Waziri wa Mambo ya Nje wa Ufaransa Jean-Noël Barrot atasafiri kwenda Kinshasaleo  Ijumaa, Oktoba 2, kwa ziara ya siku mbili inayolenga kwa kiasi kikubwa mapambano dhidi ya mlipuko wa Ebola mashariki mwa DRC. Siku ya Jumamosi atazuru Bunia, katika mkoa wa Ituri, kitovu cha mlipuko huu wa 17. Huko Kinshasa, atakukutana na mwenzake katika Wizara ya Mambo ya Nje, pamoja na Waziri wa Sheria.

Kwa mara ya kwanza tangu mgogoro wa uhamiaji wa Ceuta mwishoni mwa mwezi Julai, wakati wahamiaji 70,000 walipomiminika kutoka Morocco hadi kwenye eneo la Uhispania, mawaziri wa mambo ya ndani wa Umoja wa Ulaya wamekutana ana kwa ana katika mkutano uliofanyika siku ya Alhamisi, Oktoba 1, huko Luxembourg. Katika mkutano huu, nchi kadhaa zilielezea nia yao ya kuimarisha ufuatiliaji wa mipaka ya nje ya EU na kujadili hatua ambazo zingewakilisha uimarishaji mkubwa wa usalama.

Mapambano dhidi ya Ebola yanataka kutegemea zaidi jumuiya za kidini nchini DRC, huku mlipuko huo ukikaribia kiwango cha hatari cha vifo 4,000 kati ya wagonjwa takriban 8,000 waliothibitishwa. Alhamisi, Oktoba 1 mjini Kinshasa, madhehebu makuu ya nchi hiyo yalikutana pamoja na shirika lisilo la kiserikali la Kikatoliki la Caritas Congo ili kutafakari kuhusu mchango wao katika kuzuia ugonjwa huo, kupambana na uvumi pamoja na unyanyapaa.

Mapigano yanaendelea mashariki mwa Jamhuri ya Kidemokrasia ya Kongo licha ya juhudi za kidiplomasia zinazoongezeka. Mapigano hayo yanahusisha Vikosi vya Wanajeshi vya Kongo na washirika wao dhidi ya kundi la kisiasa na kijeshi la AFC/M23 linaloungwa mkono na Rwanda. Mkataba wa amani uliosimamiwa na Washington bado haujamaliza mgogoro huo. Kwenye mitandao ya kijamii, vita vya habari vinapamba moto, mara nyingi vikichochewa na picha za kupotosha.

Wakati Kinshasa ikitetea mchakato wa kupokonya silaha FDLR, kundi hili lenye silaha la Rwanda bado linahusika katika vurugu huko Kivu Kaskazini. Ripoti ya Katibu Mkuu wa Umoja wa Mataifa, iliyoshauriwa na RFI, inaelezea, haswa, operesheni za AFC/M23 dhidi ya wapiganaji wa FDLR. Lakini ni nini kinachoendelea mbali na mapigano? Ripoti hiyo inaonyesha jinsi mzozo huu unavyoathiri pia raiawa eneo hilo.

Marekani inayataka mataifa ya Ulaya, kuruhusu matumizi ya hifadhi zao za dizeli kwa lengo la kupunguza bei ya nishati hiyo duniani, iliyosabishwa na vita nchini Iran.

Mamlaka ya Ethiopia, ambayo inaishutumu Eritrea kwa kuunga mkono moja kwa moja na kwa njia isiyo ya moja kwa moja mashambulizi ya kijeshi yaliyoanzishwa mnamo Septemba 22 na muungano mpya unaopinga serikali, imetangaza kufungwa kwa ubalozi wake huko Asmara na kufukuzwa kwa wanadiplomasia 10 wa Eritrea kutoka eneo lake siku ya Alhamisi, Oktoba 1. Eritrea imelipiza kisasi mara moja kwa kutangaza kuvunja uhusiano wake wa kidiplomasia na Addis Ababa.

Jeshi la serikali ya Jamhuri ya Kidemokrasia ya Congo FARDC limeshutumu kundi la wapiganaji wenye silaha la CRP/M23 kwa kukiuka sitisho la mapigano na kuendelea kuwatesa raia wa kawaida katika eneo la Djugu mkoani Ituri Kaskazini.

Mataifa jirani ya Ethiopia na Eritrea yamevunja uhusiano wa kidiplomasia, zinashtumiana kwa kuchochea vita vinavyoendelea Kaskazini mwa Ethiopia.

Nahodha Serhou Guirassy aliifungia Guinea, bao pekee la ushindi, dhidi ya Kenya, katika mchuano muhimu wa kufuzu katika michuano ya AFCON mwaka 2027.

Wasimamizi wa ligi kuu ya soka nchini England, wameipata klabu ya Manchester City na hatia kwa  kukiuka kanuni za kifedha za ligi hiyo.

Nchini Ethiopia, wakati huu vita vikiendelea kati ya makundi yenye silaha na wanajeshi wa serikali katika jimbo la Tigray, Kamati inayotoa tuzo ya amani ya Nobel, iliyompa ushindi Waziri Mkuu Abiy Ahmed mwaka 2019, inatiwa wasiwasi na kuendelea kwa vita hivyo.

Mfanyabiashara maarufu na Bilionea raia wa Zimbabwe, Wicknell Chivayo, pamoja na mkewe ni miongoni mwa watu sita waliopoteza maisha baada ya ajali ya helikopta katika eneo la Marondera karibu Kilomita 72 kutoka jiji kuu Harare.

Burundi imekubali kuwapokea watu waliofukuzwa nchini Marekani wakiwemo wafungwa na wahamiaji haramu, ikiwa ni nchi ya hivi punde ya Afrika kuingia kwenye mkataba na utawala wa rais Donald Trump kuhusu mpango huu utata.

Kinshasa na Kigali zinaendea kujitolea kwa mchakato wa Washington, lakini kutokubaliana kwao kunazidi suala la FDLR pekee. Siku ya Jumanne, Septemba 29, katika Baraza la Usalama la Umoja wa Mataifa, wakati wa uwasilishaji wa ripoti ya mara kwa mara ya MONUSCO, nchi hizo mbili zilieleza malalamiko yao kuhusu upokonyaji silaha, uwepo wa wanajeshi, usitishaji mapigano, na ulinzi wa raia.

Mmoja wa abiria aliyekuwa akisafiri na shirika la ndege la Flydubai iliyokuwa ikielekea Israel, amesema mmoja wa marubani alimshambulia rubani mwenzake kwa lengo la kuiangusha ndege hiyo na kuua watu wote.

Ndege iliyokuwa ikielekea Tel Aviv ililazimika kutua kwa dharura nchini Saudi Arabia siku ya Jumatano, Septemba 30, kufuatia tukio la ndani ya ndege, kulingana na shirika la ndege la Flydubai. Vyombo vya habari vya Israel vimeripoti ugomvi mkali kati ya marubani waliokuwa kwenye kwenye chumba cha rubani. Waziri wa Usalama  Itamar Ben-Gvir ameelezea tukio hilo kama kitendo cha kigaidi.

Baada ya kuwasili nchini Iraq mwaka wa 2003 kumpindua rais wa nchi hiyo Saddam Hussein na baadaye kuwa kikosi kinachoongoza katika muungano wa kimataifa unaopigana na kundi la Islamic State, jeshi la Marekani litaondoka kutoka kwenye kambi zake za mwisho zilizobaki nchini Iraq leo Jumatano, Septemba 30. Kujiondoa huku, kulioamuliwa na Joe Biden mwaka wa 2024, kunakuja katika muktadha wa vita kati ya Israel na Marekani vilivyoanzishwa mwezi Februari mwaka huu dhidi ya Iran.

Kuelekea kuimarishwa kwa kiwango cha juu zaidi kwa adhabu dhidi ya wizi wa mali ya umma nchini DRC. Muswada wa kupambana na ufisadi ambao uliwasilishwa kwa Bunge na Waziri wa Sheria Guillaume Ngefa, ulitangazwa kukubalika siku ya Jumatatu, Septemba 28.Sasa ni lazima upite kwenye kamati kabla ya kurejea kwenye kikao kikuu cha bunge kwa ajili ya kupitishwa. Lengo la muswada huu ni kukomesha ukosefu wa adhabu na kuimarisha njia za kurejesha fedha zilizofujwa (zilizoibwa).

Ugunduzi wa kutisha umefanywa kusini mashariki mwa Nigeria. Mabaki ya binadamu yalipatikana Jumamosi, Septemba 26, na polisi katika misitu kadhaa katika Jimbo la Abia, ambapo wahalifu wanajulikana kujificha. Mifupa hii inaweza kuwa ya waathiriwa wa utekaji nyara. Shirika la Amnesty International Nigeria limeitaka serikali kuchukua hatua ili kuhakikisha haki kwa familia za waathiriwa.

Wakati tayari wanakabiliana mahakamani, Raphaël Katebe Katoto ameelezea hadharani kuunga mkono nia ya serikali ya kufanya marekebisho ya Katiba ili kufungua njia ya muhula wa tatu wa rais Félix Tshisekedi, wakati Moïse Katumbi anapinga vikali jambo hilo.

Katika kikao cha Baraza la Usalama la Umoja wa Mataifa kilichofanyika Jumanne hii, Septemba 29, 2026, na kujadili hali ya mashariki mwa Jamhuri ya Kidemokrasia ya Kongo (DRC), Néné Bintou Iragi, mwakilishi wa mashirika ya kiraia kutoka Kivu Kaskazini, Kivu Kusini, na Ituri, ametoa picha ya kusikitisha na ya kutisha kuhusu mgogoro wa usalama, kibinadamu, na ukiukwaji wa haki za binadamu unaokumba eneo hilo la nchi

Mapigano yanaendelea nchini Ethiopia. Siku nane baada ya shambulio kubwa kuanzishwa na muungano wa makundi kadhaa ya upinzani yenye silaha kaskazini mwa nchi, mapigano yanaendelea nchini Ethiopia, na kusababisha vifo vingi vya raia. Addis Ababa, kwa upande wake, inashutumu Eritrea, Sudan, na Misri kwa kuwaunga mkono waasi wa jimbo la Tigray.

Qatar imethibitisha kuwa juhudi za upatanishi kati ya Marekani na Iran zinaendelea, pande hizo mbili zikibadilishana ujumbe kupitia kwa wapatanishi kama njia moja ya kupata maelewano ya pamoja.

Waziri wa mambo ya nje wa Iran Abbas Araghchi amesema msimamo wa nchi yake kuhusu Mlango wa Bahari wa Hormuz haujabadilika.

Mkuu wa ujumbe wa Umoja wa Mataifa nchini Jamhuri ya kidemokrasia ya Congo, Monusco, James Swan, ameliambia baraza la usalama la Umoja wa Mataifa kwamba muda umefika wa kubadilisha maendeleo ya kidiplomasia na kuhakikisha amani ya kudumu inaanza kutekelezwa eneo la mashariki mwa DRC.

Kiwanda kikubwa cha kusafisha mafuta, kinachofadhiliwa na mfanyabishara tajiri barani Afrika raia wa Nigeria Aliko Dangote, kinazinduliwa leo katika Kaunti ya Lamu, Pwani ya Kenya.

Nchini Tanzania, uamuzi wa kesi ya uhaini, inayomkabili Tundu Lissu, kiongozi wa chama cha upinzani cha CHADEMA, inatarajiwa kutolewa tarehe 6 mwezi Novemba.

Nchini Zambia, wakosoaji bado wanaonekana kulengwa na mamlaka, mwezi mmoja na nusu baada ya uchaguzi wa urais na wa wabunge  wa Agosti 13 uliopigwa. Siku ya Jumatatu, Septemba 28, kufuatia kukamatwa hivi karibuni kwa wanachama kadhaa wa upinzani, Askofu Mkuu wa Kanisa Katoliki wa Lusaka, Alick Banda, mkosoaji mkubwa wa Rais Hakainde Hichilema, aliitwa na polisi wa kupambana na ufisadi.

"Hakuna aliyeachwa." Hiki ni kichwa cha ripoti iliyochapishwa Jumanne, Septemba 29, 2026, na shirika lisilo la kiserikali la Amnesty International, ambalo lilichunguza visa vya mauaji, mateso, na kutoweka kwa watu kwa lazima vilivyohusishwa na jeshi la Mali na wasaidizi wake wa Urusi kutoka kundi la Wagner, ambalo sasa linajulikana kama Africa Corps.