Dokumentala urriaren 21ean emango da, arratsaldeko 19:00etan, Sopelako Kurtzio Kultur Etxean. Proiektua Sopelako Udaleko Toki Garapen sailaren “Tokiko Surf Filmak” ekimenaren bidez aurkeztuko da.

Uribe Kostako udalerriek egitarau oparoa prestatu dute egunotarako; eskaintza zabal horretatik zer aukeratu ez dakizula? Hona hemen aste-akaburako proposamenen aukeraketa bat.

Udalak azaldu duenez, obrek 58.617,24 euroko kostua dute eta Eusko Jaurlaritzaren 47.000,86 euroko Udal Eraiki dirulaguntzaren bidez finantzatu dira. Lanak urriaren 13an hasiko dira, eta, gutxienez, 5 astez luzatuko dira.

Zuzendaritzarako jauzia ez zen bat-bateko erabaki bat izan. Pandemia arte, batez ere, Astigarraga zuzendaritza-laguntzaile moduan aritu zen, baina lan horretan, askotan, talde handiak gidatzera edo ekoizpenen birjarpenak egitera bakarrik joan behar izaten zuen. Horrek erantzukizuna hartzera ohitu zuen, eta, neurri batean, askatasun handiagoa sentiarazi zion. Beste zuzendari bat dagoenean "bera da jabea", azaldu du; zuzendaritzan, aldiz, erabakiak hartzeko eta lan egiteko modua berak eraikitzeko aukera dauka.

Ohar baten bidez, Berangoko Udalak herritarrei inausketa- eta lorezaintza-hondarrak ezin direla errefusaren edukiontzian utzi gogorazi die. Izan ere, 2022etik, Udalak badauka etxebizitza partikularretako landare-hondakinak biltzeko doako zerbitzua duela gogorarazi du. 

Udala lehen aldiz heldu da kopuru horretara, kontratazio publikoaren fiskalizazioari eta analitikari buruzko azken txosten teknikoaren arabera. Udalak adierazi duenez, agintaldian zehar ehuneko horrek goranzko joera izan du: 2024ean lizitazioen % 43,75k zuen euskara sustatzeko klausularen bat, 2025ean % 54,28k, eta 2026an % 60,00k.

Joan den zapatuan izandako eurite handiek Leioako 'La Avanzada'ko tunelak urez betetzea eragin zuten, eta errepidea trafikoari itxi behar izan zioten. Bizkaiko Foru Aldundiak egindako ikerketaren arabera, arazoa ez zen tunelaren drainatze-sisteman egon, estolderiako kutxatila bat buxatuta zegoelako baizik. Matxura dagoeneko konpondu dute, Leioako Udalagaz elkarlanean.

Uribe Kostako Zerbitzu Mankomunitateko Emakumeen Jabekuntza Eskolak doako ikastaroetan izena emateko epea ireki du emakume guztientzat. Sopelan, Baimenik Gabeko Eskuliburua, patriarkatuak irakurriko balu bezala idazteko; Barrikan, Emakumeak eszenan*; eta Plentzian, Txalaparta feministako ikastaroak izango dira. Izen ematea urriaren 21era zabalik egongo da; eta lilagune@uribekosta.eus  helbidera edo 616 470 653 whatsappera idatziz; baita 946 762 674 telefonora deituz ere egin daiteke.

Urriaren 23an, berriz, ALASNI jaialdia ospatuko dute Altzagako Merkatu Zaharrean. Helburua kultura, musika eta elkartasuna batzea izango da. Jaialdia arrastiko 18:00etan hasiko da eta sarrera doakoa izango da, edukiera bete arte.

Unibertsitatera sartzeko probetako probetako euskarako azterketaren inguruko auziak beste urrats bat egin du. Auzitegiak EHUren errekurtsoa onartu eta bertan utzi ditu ikasle batzuei euskarako nota ez zenbatzeko aukera ematen zieten kautelazko neurriak. Ebazpenaren arabera, behin-behineko neurri judizialek ezin dute ikasle batzuen aldeko pribilegiori sortu gainerakoen aurrean.

Klima-aldaketaz gehiago ikasi, Uribe Kostako hegaztiak ezagutu edo Gorlizko duna petrifikatuak gertutik ikusi. Horiek dira Gorlizek "Asteklima, Euskadiko Klimaren eta Energiaren Astea", ospatzeko prestatu dituen proposamenetako batzuk. Urriaren 16tik 25era bitartean, adin guztietako herritarrei zuzendutako jarduerak izango dira, ingurumena zaintzearen garrantziaz hausnartzeko eta egunerokoan ohitura jasangarriagoak sustatzeko.

Urriaren 31ean, urteko gaurik beldurgarriena ospatuko dute Antsonekoa enparantzan. Mamuak, sorginak eta munstroak bertan egongo dira hainbat jarduera egiteko prest. Tailerrak, mozorro desfilea, disko festa... Atera armairutik mozorrorik beldurgarriena eta parte hartu! 

Leioako Udalak Leioa Auzoetan ekimena martxan jarriko du berriro, herritarren proposamenak jasotzeko. Urriaren 12tik azaroaren 9ra bitartean, udalerriko hainbat auzotan izango dute euren ingurua hobetzeko ideiak aurkezteko aukera. Aurreko fasean 765 proposamen jaso zituzten.

Programak kirolaren esparruan umeak babestea eta euren eskubideak urratzen dituen edozein egoera edo indarkeria prebenitzea eta detektatzea du helburu.

Urriaren 20ra arte Argia Ereiten Euskara Sariaren XVII. ediziorako hautagaitzak aurkezteko epea zabalik egongo da. 

Gorliztarrek gastronomiaz, musikaz eta publiko guztientzako jarduerez gozatzeko aukera izango dute aurten ere Dastatu Urria ekimenaren edizio berrian. Sasoiko produktuak izango dira protagonista aste-akabuan zehar Ibarreta plazan egingo diren jarduera ezberdinetan: lehiaketak, dastaketak, tailerrak…

Bihartik aurrera, hilak 8, Multikirola Egokitua programa berria hasiko da Sopelan, 8 urtetik gorako ume eta gazteei zuzendutakoa. Ekimena 2026-2027 denboraldian zehar garatuko da, urritik ekainera bitartean, eta S.D. Ugeraga, Haszten elkartea eta Sopelako Udalaren arteko elkarlanari esker jarri da martxan.

Urriaren 25ean, domekan, Urdulizko eta Bizkaiko fauna, flora eta biodibertsitatea ezagutzeko ibilbidea egingo dute.

Euskal Autonomia Erkidegoko Auzitegi Nagusiak (EAEAN) atzera bota du Isuskizako bizilagunek aurkeztutako apelazio-helegitea, eta Urduliztik gertuen dagoen Dos Palmeras bidea pribatua dela berretsi du. Horrenbestez, Isuskizako jabeek haren mantentzearen ardura hartu beharko dute. 

Udaleko Inguruneko Unitateak antolatuta, urriaren 16tik 22ra, hainbat doako jarduerak egingo dituzte Getxon AsteKlima, Klima eta Energiaren Astearen beste edizio berri bat ospatzeko.

32. edizioa izango da 2027koa, eta antolakuntzatik aurreratu dutenez, apirilaren 17an ospatuko da, Sopelan urtero lez. AEKk behar dituen profilak aurkitzeko eta mezua zabaltzeko laguntza eskatu du.

Urtebeteko obrak amaitu ostean, urriaren 5ean, astelehenean, Algortako Kultur Etxeko azken 12 hilabeteetan itxita egon diren espazioak berriz jarri dituzte herritarren eskura. Zentroak 1.242 metro koadro baino gehiago eta ia 300 pertsonentzako edukiera ditu.

Eusko Jaurlaritzak EHUren Plentziako Itsas Estazioaren eraikina mantentzearen alde egin du, eta Udalari bi urteko emakida berri bat ematea proposatu du, beste bi urtez luzatzeko aukeragaz. Hala ere, baldintza bat jarri du: epe horretan eraikinak Kultura Intereseko Ondasun izendapena lortu beharko du.

Lamiakoko itsasadarraren azpiko tunelaren obrek inguruko bizilagunengan eta ikastetxeetan izan dezaketen eragina berriro heldu da Leioako Udalera. Proiektuaren aurkako jarrerari eutsita, obrak hasi aurretik zarata, bibrazioak, airearen kalitatea eta segurtasuna kontrolatzeko neurriak zehaztuta egotea eskatu dute. Helburua, diotenez, Lamiako inguruko bizilagunak eta hezkuntza-komunitatea "babesik gabe" ez uztea da. 

Otsailean, Iñaki Lagos eta Luis Artola, Bilboko kontserbatorioko irakasleak, Zisjordaniara joan ziren Al Kamandjati elkarteak egiten duen ahaleginaren testigantza jasotzeko. Bidaia horren berri emateko, Aitor Gisasolaren laguntzagaz dokumental bat egin dute, eta urriaren 16an, Urdulizko Kultur Etxean, 19:00etan, ikusi ahal izango da. 

Danza a Escena zirkuituaren 17. edizioa urrian agurtuko da Getxotik, Brodas Bros eta La Venidera konpaniakaz. Domekan, urriaren 11n, 18:00etan, Petit Break ikuskizuna eskainiko dute Muxikebarrin; eta urriaren 24an, zapatuan, 20:00etan, berriz, NO aurkeztuko dute.

Atzo, Ernai 26 herritan mobilizatu zen etxebizitza duinaren alde. Etxebizitza auziari dagokionez, "benetako eta integrala den konponbide bat" eman ezean, "atzera pausorik" egingo ez dutela aldarrikatu zuten.

Arroza izan zen aitzakia, baina mahaiaren bueltan elkartzea izan zen benetako helburua. Leioako Boulevard-ek Munduko Arrozak ekimenaren laugarren edizioa hartu zuen pasa den zapatuan, jatorri eta kultura ezberdinetako herritarrak elkartu zein elkar ezagutzeko. Gastronomia, musika eta askotariko jarduerak uztartu zituzten egun osoan zehar.

Sopelako Udalak azaldu duenez, obren aurrekontua 48.398,54 eurokoa da, BEZa barne. Kirol-instalazio berria Larrondogane bidean kokatuko da, Ane frontoi eta rokodromoaren atzean dagoen parke-eremuan. Lanek hiru hilabeteko exekuzio-epea izango dute; beraz, skateparka urte berriaren hasierarako prest egongo da, aurreikusitakoaren arabera.

Uribe Kostako Zerbitzu Mankomunitateak Aldundiari Uribe Kostan eguneko zentroa ezartzeko urratsak aztertzeko bilera bat eskatu dio. Mankomunitateak lau kokapen posible aurkeztu ditu: Sopelan, Berangon eta bi Gorlizen.

Getxoko Udalak eta Elkargune Etorkinentzako Harrera Programak, Eusko Jaurlaritzaren laguntzagaz besteak beste, antolatutako programa izango da. Izena emateko epea urriaren 20ra arte egongo da zabalik. 

Giza eskubideak, genero-ekitatea, jasangarritasuna edota gazteen kezkak pantaila handira eramango ditu Zinema Ikusezinaren Nazioarteko Jaialdiak Getxon. Muxikebarrik jaialdiko saio berezia hartuko du urriaren 16an, 19:00etatik aurrera, film laburrak, solasaldia eta musika uztartuz. Sarrera doakoa izango da, lekua bete arte. 

Seigarren urtez, Barrikako Udalak egitarau bat antolatu du Arimen Gaua ospatzeko. Urriaren 31ra bidean, familiei zuzendutako hainbat jarduera egingo dira hilabetean zehar, herriko espazio ezberdinetan.

Cale Garrido izango da 2027ko maiatzaren 27tik ekainaren 20ra ospatuko duten Getxophotoren edizio berri honen komisarioa. Iaz, 48 herrialdetako 533 proposamen jaso zituzten; aurten, Marea gaiagaz abiatuko dute edizioa.

Aldundiko Garraio Zuzendaritzak errefortzuko autobus bat jarriko du A2166 Uribe Kosta-EHU linearen 07:55eko zerbitzuan, Sopelako Iturrieta geralekuaren eta Leioako EHUko Ikasgelategien artean. Errefortzu-zerbitzua 2026ko urriaren 5etik abenduaren 22ra bitartean egongo da martxan.

Otsailetik zerbitzutik kanpo dagoen Txorierri eta Lamiako arteko igogailua konpontzeko lanak hasi dituzte. Matxuratutako motor berria daborduko Alemaniatik iritsi da, eta Leioako Udalaren aurreikuspenen arabera, igogailua urriaren erdialdean egongo da berriro martxan. Ordura arte, bi auzoen arteko joan-etorriak errazteko doako anezka-zerbitzua mantenduko dute. 

Bineta eta komikiz beteko da Getxo beste urte batez. Getxoko Komiki Azoka urriaren 16tik 18ra egingo dute, eta bederatzigarren artearen zaleak elkartzeaz gain, aurten ere ikasleei, sortzaileei eta komikiaren munduan lehen urratsak egiten ari direnei zuzendutako jarduerak izango dira. Horietako batzuk Romo Kultur Etxean egingo dituzte.

Bertsolari gazteei plazara salto egiteko aukera ematea da Danon Plaza zirkuitu berriaren helburua. Bizkaiko hainbat txokotatik igaroko da urrian, eta hitzorduetako bat Uribe Kostan izango da: urriaren 22an, 19:00etan, Algortako Azebarri Euskal Kultur Elkartean. Bertan, bertsolari gazteek Bizkaiko Bertsolari Txapelketako Jone Uria eta Oihana Bartra finalistak izango dituzte kantukide. 

Pinuetako kale eta plazen itxura aldatzen hasiko dira datozen hilabeteetan. Leioako Udalak auzoa eraldatzeko obrak abiatu ditu, bi milioi eurotik gorako inbertsioagaz. Lehenengo fase honetan, Cervantes plaza, Maiatzaren Bata kalea eta Nafarroa kalearen zati bat berrituko dituzte, oinezkoentzako espazioa zein berdeguneak handitu eta auzoan egoteko zein elkartzeko gune berriak sortzeko.

Munduko Sokatira Txapelketatik bi dominagaz bueltatu ostean, Goiherri Sokatira Taldeak aitortza berezia jasoko du zapatu honetan Arteagan. Erandioko taldeko kideek ohorezko sakea egingo dute Apurtuarteren partidua hasi aurretik, Hegoafrikan lortutako emaitzak ospatzeko.

Berangoko basoak, zelaiak, zuhaitzak, fauna edota herriko berdeguneak izango dira protagonista Lantzarte Bizirik elkarteak antolatutako "Berangoko Natura" II. Argazki Lehiaketan. Adin guztietako argazkizaleei zuzendutako ekimena da, eta parte-hartzaileek azaroaren 8ra arte bidali ahal izango dituzte euren lanak. Hautatutako hamabi irudiek elkartearen 2027ko egutegi solidarioa osatuko dute.

Aurten ere, Udalak argazki lehiaketa bat martxan jarri du datorren urteko udal egutegia osatuko duten irudiak aukeratzeko. Argazkiak bidaltzeko azken eguna urriaren 19a izango da eta 12 argazki aukeratuko dira. Egutegia doan banatuko da udalerriko herritarren artean.

Giza eskubideak, ingurumena eta euren komunitateen etorkizuna defendatzeagatik heriotza-mehatxupean bizi diren Erdialdeko Amerikako emakumeen istorioak Getxora iritsiko dira. Gurari Emakumeen Etxeak Activistas por la vida: Guatemala/Honduras erakusketa hartuko du urriaren 6tik aurrera, Gervasio Sanchez argazkilariaren 20 irudiren eta hainbat ikus-entzunezko testigantzaren bidez.

Munduko txoko ezberdinetako landareak ezagutzeko aukera izango da aste-akabu honetan Leioan. Bost Kontinenteetako Landareen Azokak hamargarren edizioa ospatuko du urriaren 3an eta 4an, EHUko Leioako Campuseko Arboretumean. Guztira, 51 erakustoki bilduko dira bertan, eta sarrera doakoa izango da.

Oinetako erosoak jantzi eta Leioa pausoz pauso ezagutzeko aukera izango da datozen hilabeteetan. Udalak Ibilaldi Osasungarrien edizio berri bat jarriko du martxan urriaren 11n, eta guztira bost irteera egingo dituzte herriko auzo, naturagune eta ondare-elementu ezberdinak ezagutzeko. Aurten, gainera, bost ibilbideak osatzen dituztenek opari bat jasoko dute. 

Mugikortasun Pertsonaleko Ibilgailuak (MPI) patinete elektrikoak, segwayak, hoverboardak eta monoziklo elektrikoak, bestak beste, dira. Udaltzaingoaren kanpainaren helburua ibilgailu horiek araudiak eskatzen dituen baldintza administratibo, tekniko eta segurtasunekoak betetzen dituztela egiaztatzea da. 

Egizu elkarteak, Taupa Euskaltzaleen Mugimenduagaz, Berbalaguna eta Gurasolaguna taldeak antolatu ditu: euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko helburuakaz. 

Herriko dendetan erosi eta, bide batez, hurrengo erosketetarako abantailak lortu. Horixe da Berriro plataforma berriaren proposamena. Tokiko merkataritzari bezeroak fidelizatzen laguntzeko sortutako egitasmoa Erandion eta Leioan jarriko dute martxan gaurtik aurrera, Txorierrigaz batera, Arratia-Nerbioin eta Durangaldean egindako lehen urratsen ostean.

Argazkiak, gutunak, kontzertu-programak, grabazio zaharrak, aldizkariak... Leioako musika eta dantzaren azken hamarkadetako historia osatzen duten milaka dokumentu berreskuratu dituzte. Udalak egindako ikerketa- eta artxibo-lanari esker, 10.000 dokumentu eta fitxategi inguru bildu, antolatu eta digitalizatu dituzte, guztira 253 gigabyte baino gehiago. Bilduma ERESBIL Musikaren Euskal Artxiboan gordeko dute, etorkizunean ere kontsultatu ahal izateko. 

Berdintasun Zerbitzuak Altube kaleko 5-7 zenbakietan duen bulegoa izango da kokapen berria. Sarrera Beturillena kaletik dago, Gurari ondoan.