Pinuetako kale eta plazen itxura aldatzen hasiko dira datozen hilabeteetan. Leioako Udalak auzoa eraldatzeko obrak abiatu ditu, bi milioi eurotik gorako inbertsioagaz. Lehenengo fase honetan, Cervantes plaza, Maiatzaren Bata kalea eta Nafarroa kalearen zati bat berrituko dituzte, oinezkoentzako espazioa zein berdeguneak handitu eta auzoan egoteko zein elkartzeko gune berriak sortzeko.

Munduko Sokatira Txapelketatik bi dominagaz bueltatu ostean, Goiherri Sokatira Taldeak aitortza berezia jasoko du zapatu honetan Arteagan. Erandioko taldeko kideek ohorezko sakea egingo dute Apurtuarteren partidua hasi aurretik, Hegoafrikan lortutako emaitzak ospatzeko.

Berangoko basoak, zelaiak, zuhaitzak, fauna edota herriko berdeguneak izango dira protagonista Lantzarte Bizirik elkarteak antolatutako "Berangoko Natura" II. Argazki Lehiaketan. Adin guztietako argazkizaleei zuzendutako ekimena da, eta parte-hartzaileek azaroaren 8ra arte bidali ahal izango dituzte euren lanak. Hautatutako hamabi irudiek elkartearen 2027ko egutegi solidarioa osatuko dute.

Aurten ere, Udalak argazki lehiaketa bat martxan jarri du datorren urteko udal egutegia osatuko duten irudiak aukeratzeko. Argazkiak bidaltzeko azken eguna urriaren 19a izango da eta 12 argazki aukeratuko dira. Egutegia doan banatuko da udalerriko herritarren artean.

Giza eskubideak, ingurumena eta euren komunitateen etorkizuna defendatzeagatik heriotza-mehatxupean bizi diren Erdialdeko Amerikako emakumeen istorioak Getxora iritsiko dira. Gurari Emakumeen Etxeak Activistas por la vida: Guatemala/Honduras erakusketa hartuko du urriaren 6tik aurrera, Gervasio Sanchez argazkilariaren 20 irudiren eta hainbat ikus-entzunezko testigantzaren bidez.

Munduko txoko ezberdinetako landareak ezagutzeko aukera izango da aste-akabu honetan Leioan. Bost Kontinenteetako Landareen Azokak hamargarren edizioa ospatuko du urriaren 3an eta 4an, EHUko Leioako Campuseko Arboretumean. Guztira, 51 erakustoki bilduko dira bertan, eta sarrera doakoa izango da.

Oinetako erosoak jantzi eta Leioa pausoz pauso ezagutzeko aukera izango da datozen hilabeteetan. Udalak Ibilaldi Osasungarrien edizio berri bat jarriko du martxan urriaren 11n, eta guztira bost irteera egingo dituzte herriko auzo, naturagune eta ondare-elementu ezberdinak ezagutzeko. Aurten, gainera, bost ibilbideak osatzen dituztenek opari bat jasoko dute. 

Mugikortasun Pertsonaleko Ibilgailuak (MPI) patinete elektrikoak, segwayak, hoverboardak eta monoziklo elektrikoak, bestak beste, dira. Udaltzaingoaren kanpainaren helburua ibilgailu horiek araudiak eskatzen dituen baldintza administratibo, tekniko eta segurtasunekoak betetzen dituztela egiaztatzea da. 

Egizu elkarteak, Taupa Euskaltzaleen Mugimenduagaz, Berbalaguna eta Gurasolaguna taldeak antolatu ditu: euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko helburuakaz. 

Herriko dendetan erosi eta, bide batez, hurrengo erosketetarako abantailak lortu. Horixe da Berriro plataforma berriaren proposamena. Tokiko merkataritzari bezeroak fidelizatzen laguntzeko sortutako egitasmoa Erandion eta Leioan jarriko dute martxan gaurtik aurrera, Txorierrigaz batera, Arratia-Nerbioin eta Durangaldean egindako lehen urratsen ostean.

Argazkiak, gutunak, kontzertu-programak, grabazio zaharrak, aldizkariak... Leioako musika eta dantzaren azken hamarkadetako historia osatzen duten milaka dokumentu berreskuratu dituzte. Udalak egindako ikerketa- eta artxibo-lanari esker, 10.000 dokumentu eta fitxategi inguru bildu, antolatu eta digitalizatu dituzte, guztira 253 gigabyte baino gehiago. Bilduma ERESBIL Musikaren Euskal Artxiboan gordeko dute, etorkizunean ere kontsultatu ahal izateko. 

Berdintasun Zerbitzuak Altube kaleko 5-7 zenbakietan duen bulegoa izango da kokapen berria. Sarrera Beturillena kaletik dago, Gurari ondoan.

Plentziako kirol-portuko amarraduren gatazkak ez du, oraingoz, irtenbiderik. Euskadiko Kirol Portuak (EKP) erakundeko zuzendari Jon Asuak Eusko Legebiltzarrean aitortu duenez, epaitegien erantzunaren zain daude 2021ean esleitutako 204 amarradurekin zer egin erabakitzeko. "Eskuak eta oinak lotuta" dituztela adierazi du Asuak.

Gorlizko adinekoek euren egunerokoan aurkitzen dituzten zailtasunak eta herrian egin daitezkeen hobekuntzak zuzenean helarazteko aukera izango dute. Udalak Gorliz Lagunkoia proiektua jarriko du martxan, eta aldizkako bilerak egingo ditu herriko nagusiakaz, besteak beste, irisgarritasunaz, mugikortasunaz, udal-zerbitzuez eta komunikazioaz berba egiteko.

Sopelako Udaleko Toki Garapen Arloak kanpainaren lehen edizioa antolatu zuen 2025ean, udalerriko ostalaritza-sektorea sustatzeko helburuagaz. Bi pintxo-txapelketa egingo dira: urriaren 16an, 17an eta 18an Larrabasterra auzoan, eta urriaren 23an, 24an eta 25ean Sopela erdialdean. Ibilbidea 18:00etan hasiko da ostiralero, eta sari-banaketa igandetan egingo da, ordu berean, Udaletxe plazan Sopela erdialdearen kasuan eta Urgitxieta plazan Larrabasterran.

Sopelako Udaleko Toki Garapen Arloak jarraitutasuna emango dio “Sopela Integra” laguntza-programari aurtengo ikasturtean. Programa Sopelan erroldatuta dauden eta lana bilatzen edo lan-hobekuntzan ari diren pertsonei zuzenduta dago.

Topaketak urrian zehar izango dira. Helburua ikuspuntu desberdinekaz adinekoen beharrei erantzutea izango da, udalerri "lagunkoiagoa, inklusiboagoa eta prestatuagoa" eraikiz.

Urdulizko Udalak, herriko ORBIZTA Euskara Elkartearen laguntzagaz, hamar binilozko diskoren inguruan, 90 minutu inguruko hitzaldi interaktiboen egitasmoa antolatu du. Joseba Martin kazetari eta EHUko Kazetaritza irakasle ohiak gidatuko du.

Komikizaleek hitzordu berezia izango dute urriaren 16tik 18ra Getxon. Komiki Azokak 24. edizioa ospatuko du, eta hiru egunez sortzaileak, argitaletxeak, liburu-dendak eta zaleak batuko ditu Areetako Geltokia plazan eta Romo Kultur Etxean. Miguelanxo Prado eta Laureano Domínguez izango dira aurtengo omenduak.

Sopelako Udalak aldaketa batzuk ezarri ditu Sopelbus hiri-autobusaren neguko ordutegian (urritik maiatzerakoa), Sopela BHI instituko DBH 3. eta 4. mailako ikasleek eguerdian etxera bueltatzeko autobusa erabili ahal izateko.

Sopelako euskaltzaleek herriko euskararen egoeraren inguruko gogoeta partekatua egiteko hiru saio abiatuko dituzte eguenean. 

Bolueko Esfortzu Konstanteko Eraztun Estazioak Hegaztien Munduko Eguna ospatuko du Getxoko Udaleko Ingurumen Zerbitzuak sustatutako Getxonatura, ezagutu eta zaindu jardunaldien beste jarduera batean. 

Getxoko auzo elkarteak auziaren itxierak Zigor Kodearen 323. artikuluaren balizko aplikazioa ez duela aztertzen ohartarazi du. Elkartearen arabera, artikulu horrek balio historikoa edo kulturala duten ondasunak babesten ditzake, eraikina "bereziki babestua" izan beharrik gabe. 

Getxoko auzo elkarteak auziaren itxierak Zigor Kodearen 323. artikuluaren balizko aplikazioa ez duela aztertzen ohartarazi du. Elkartearen arabera, artikulu horrek balio historikoa edo kulturala duten ondasunak babesten ditzake, eraikina "bereziki babestua" izan beharrik gabe. 

Antzerkia euskaraz gozatzeko aukera izango da eguazten honetan Plentzian. Meri Urzelairen Momentutxoa antzezlana taularatuko dute irailaren 30ean, 19:00etan, Goñi Portalen. Jone Garciaren testua oinarri duen emanaldia 12 urtetik gorakoentzat izango da, eta sarrera doakoa izango da. 

Ertzaintzak eta Getxoko Udaltzaingoak elkarlanean ezarritako dispositibo bereziak prebentzio izaera izan du; batez ere, zapatu gauean bildu izan diren gazte ugarien aurrean.

Palestina izango da datozen egunetako hainbat hitzorduren ardatza Itzubaltzeta/Romon. Urriaren 3an, ume eta gazteei Palestinako errealitatea hurbiltzeko bi liburu aurkeztuko dituzte Casal Liburudendan; hilaren 4an eta 8an, berriz, Palestinaren aldeko aldarria Xake plazara eramango dute.

Leioako dendetan erosteko beste pizgarri bat izango dute herritarrek datozen hilabeteetan. Izan ere, Leioa Indartu Bonoa kanpaina martxan da berriro; hau da, gutxienez 15 euro gastatzen dituenak 5 euroko deskontua lortuko du hurrengo erosketarako. Pertsona bakoitzak 40 euro arte pilatu ahal izango ditu bonuetan.

Urriaren 18an Benetan Be teatroak bere bosgarren ikuskizuna aurkeztuko du Sopelan. Bidutzi izenekoa, antzezlan "barregarria, hunkigarria, optimista eta ikaragarria" izango dela aurreratu dute. 

Getxoko Udalak aurreikusi duenez, urriaren 1etik azaroaren 30era arte zerbitzua eten egingo dute. Lanak TK Elevadores enpresari esleitu dizkiot, 224.850 eurotan, BEZa barne hartu barik.

Txokolatea, bingoa, dantza, musika eta jai-giroa barra-barra! Txopoetako jaietan denetarako tartea egon da egunotan, eta auzotarrek ez dute hutsik egin. Txikiek zein nagusiek gogotik gozatu dute jaietako hitzorduez, eta, nola ez, ondo pasatzeko gogorik ez da falta izan. Hona hemen jaiek utzitako irudietako batzuk!

Euskara ikasteko ez da beti liburu baten aurrean eseri behar. Ipuinak entzunez, zirkuan jolastuz eta familian denbora pasatuz ere egin daiteke. Ideia horregaz itzuliko dira urrian Sorgina Txirulina eta Familian Euskaraz programak, 5 eta 8 urte bitarteko umeei eta euren familiei euskaraz gozatzeko aukera eskaintzeko. Saioak Kultur Leioan egingo dituzte eta doakoak izango dira. 

Urriaren 3an, 12:30ean, Ibon Meñika eta Eneko Gerrikabeitia Casal Liburudendan izango dira, liburuen euskarazko edizioak bultzatu dituzten erakundeen ordezkari gisa, bi lanak aurkezteko. Bi liburuak Palestinako errealitatea haurrei eta gazteei hurbiltzeko euskaraz argitaratutako lanak dira.

Plentziak Erdi Aroko itxura hartuko du urriaren 2tik 4ra, hiru egunez luzatuko den azokagaz. Egitaraua goizetik gauera luzatuko da, eta ume zein helduentzako ikuskizunak, kalejirak eta bestelako jarduerak izango dira.

Ongi Etorri Errefuxiatuak-Gobelak Getxo eta Berango arteko basoetan bizi diren gazteen etxebizitza-arazoa lehen lerrora eraman zuen, eta gazte horiek ostatu-alternatibarik gabe kanporatzea salatu zuen.

Ehunka herritarren babespenagaz batu ziren pasa den eguenean Los Ochos eraikinetako bizilagunak ozen esateko euren bizi proiektua garatzeko eskubidea bermatu arte borrokan eta antolatuta jarraituko dutela.

Ehunka herritarren babespenagaz batu ziren pasa den eguenean Los Ochos eraikinetako bizilagunak ozen esateko euren bizi proiektua garatzeko eskubidea bermatu arte borrokan eta antolatuta jarraituko dutela.

Bihar, irailaren 25ean, 20:30etik 22:30era, Jorge Canovasek eta bere bandak 60ko eta 70eko hamarkadetako "guatekea" egingo dute Santa Anako anfiteatroan. Nino Bravo, Los Brincos, Formula V, Los Diablos, Jose Luis Perales, Camilo Sesto, Raphael, Serrat, Duo Dinamico, Mike Kennedy eta Massiel bezalako artista eta taldeen kantuak interpretatuko dituzte.

Irailaren 25etik 27ra, jaialdiaren 10. edizioa ospatuko dute 11 magoagaz, orain arte kopururik handiena. Udalagaz batera, Tor Magoak eta Txoborrok antolatzen dute jaialdia Erandiogoikoa, Altzaga eta Astrabudua auzoetan.

Getxoztarrek Mesedeetako festak irailaren azken aste-akabuan ospatuko dituzte, hilabeteari bukaera borobila emanez.

Irailean, 2025eko PISA txostenaren emaitzak kaleratu ziren, Euskal Herrian irakurmen-konpetentzian izandako beherakada agerian utziz. Probetan Euskal Herriko 15 urteko ikasleek 419 puntu lortu zituzten irakurmen-konpetentzian. 2022an, berriz, 466 puntu izan genituen; beraz, 47 puntuko beherakada izan da hiru urtean.

Lamiakoko ikastetxeak jada ez du ikaslerik, baina eraikina ez dute hutsik utzi gura. Leioako Udalak espazioa auzoari beste modu batera zabaltzeko lehen urratsa eman du: bertan kultura- eta kirol-jarduerak, elkarteen ekimenak, ikasteko eta irakurtzeko gelak edota liburutegia egokitzea aztertuko du. Udalbatzak aho batez onartu du horretarako Eusko Jaurlaritzako Hezkuntza Sailagaz hitzarmena sinatzea.

Alokairua ordaintzeko arazoak, argiaren edo gasaren fakturei aurre egiteko zailtasunak edota etxean ezinbesteko konponketaren bat egiteko dirurik ez izatea. Horrelako egoeretan dauden herritarrei zuzenduta daude Gizarte Larrialdietarako Laguntzak (GLL), eta Uribe Kostan 2026ko laguntzak eskatzeko epea urriaren 15ean amaituko da.

Erakundeak herri-ondarearen bilketan eskarmentu luzea du, eta dagoeneko Sopelako baserrien dokumentazio grafikoa biltzeko lanean ari da. Egitasmoaren helburua herriko ondare arkitektonikoaren zati garrantzitsu bat gorde eta babestea da.

Klima-aldaketaren inguruan arazoez hitz egin beharrean, dagoeneko martxan dauden irtenbideei begiratzea. Horixe proposatzen du HOPE! Estamos a tiempo dokumental-sailak, eta gaur, irailaren 24an, Gorlizen ikusteko aukera egongo da. Lehenengo proiekzioa 18:30ean egingo dute Udaletxean, Gorliz Resiliente egitasmo berriaren barruan.

Kirolur Erronkaren udazkeneko liga irailaren 23an hasi da eta urriaren 23ra arte iraungo du. Helburua Bizkaiko udalerrien artean jarduera fisikoa sustatzea da, herritarrek egindako desplazamendu aktiboak kilometrotan erregistratuz.

Txopoetan dena prest dago Mikel Deuna jaiei ekiteko! Irailaren 25etik 27ra, hiru egunez luzatuko da festa, eta ez da aspertzeko tarterik egongo: kontzertuak, txapelketak, herri kirolak, umeentzako ekintzak, gastronomia eta, nola ez, zapatuko Mozorro Eguna. Beraz, prestatu mozorroa, batu kuadrilla eta gerturatu Txoperara!

Komunitate-proiektuko ekimenaren helburua Uribe Kostako pertsonen, elkarteen eta erakundeen arteko sareak ehuntzea da, artea eta itsasoa topagune, "parte-hartzerako eta zaintza komunitariorako espazio gisa erabilita".

Itsasadarraren azpiko tunelaren aurkako mobilizazioek beste hitzordu bat izango dute urrian. Subflubiala EZ! plataformak manifestazioa deitu du urriaren 24rako, garraio publikoaren alde egiteko eta Artatza zein Ballonti inguruen eta Artatza-Romo institutuaren defentsa aldarrikatzeko. Mobilizazioa 18:00etan abiatuko da Areetako Xake plazatik, metro-geltokiaren ondotik. 

Zirkuituaren seigarren edizioak hainbat hitzordu ekarriko ditu Getxora. Helburua ez da soilik ikuskizunak ekartzea, baizik eta zirkuaren kontratazioa urte osoan zabaltzea, publiko berriak erakartzea eta diziplinaren formatu desberdinak ezagutaraztea.