A ƙasar Kamaru an bankaɗo badaƙalar sace kuɗi har CFA bilyan 40 waɗanda gwamnatin ta ware domin sayen man fetur tare da raba wa hukumar ƴansanda a wasu jihohin ƙasar.

Ƴar fafutukar kare muhalli ta ƙasar Sweden, Greta Thunberg, ta bi sahun masu zanga-zangar da ɗalibai ke jagoranta a Faransa, inda wasu jami’o’i suka mara baya boren da sama da mutane dubu 480 suka hallara.

Kotu a Jamhuriyar Nijar ta yanke wa Maitre Lirwanou Abdorahman lauya mai fafutuka hukuncin ɗaurin shekaru biyu a gidan yari, bayan ta ce ta same shi da laifin wallafa wasu bayanai da ke cewa sojojin ƙasar sun rabu gida biyu, sakamakon bore tare da kai wa cibiyoyin gwamnati hari a cikin watan Agustan da ya gabata.

Majalisar Dinkin Duniya ƙarƙashin hukumar (UNDP) ta bayyana cewa, adadin mutanen da ke fama da talauci ta fuskoki daban-daban a Najeriya ya karu zuwa kaso 38.7 cikin dari a shekarar 2024, daga kaso 33 cikin ɗari a shekarar 2021.

Ƙungiyar ƙasashen Musulmi ta yi tir da hare-haren da mayaƙan Houthi masu samun goyon bayan Iran ke ci gaba da kaiwa Saudiya, hare-haren da a baya-bayan nan suke shafar ɗimbin fararen hula tare da jefa rayukansu a haɗari.

Ƙungiyar tarayyar Turai ta faɗaɗa yarjejeniyar haɗin gwiwa da ta ƙulla da gwamnatin gabashin Libya don taimaka mata wajen daƙile kwararar baƙi zuwa nahiyar, inda ta aike wa ƙasar ta Afrika ƙarin kuɗi Yuro miliyan 25.

Yanzu haka dai yawancin iyalai a Jamhuriyar  Nijar sun samar da dandali a shafukan sada zumunta don bada labari a tsakaninsu ko kuma tallata haja, wannan dai ya taimakawa iyalai da dama wajan rage kashe kuɗi wajan bayar da labarin haihuwa, suna, aure, rashin lafiya ko rasuwa da a baya ake amfani da kafafen radiyo ko talbijin ko kuma jaridu wajen sanarwa.

Wasu fusatattun tsoffin sojojin Najeriya sun gudanar da zanga-zanga a babban birnin ƙasar, Abuja, inda suka rufe hanyar shiga ofishin Hukumar Kula da Fansho riƙe da kwalaye masu ɗauke da rubuce-rubucen koke-koke, tare da bayyana cewa tsadar rayuwa da matsin tattalin arziƙi sun jefa tsoffin dakarun cikin tsananin ƙunci saboda rashin biyansu alawus-alawus da sauran alfanun da doka ta tanada musu.

A Kamaru an bankaɗo badaƙalar sace kuɗi na sama da biliyan 40 na man fetur da gwamnatin ke rabawa hukumar ƴan sanda jahohin ƙasar.

Sarki Felipe na shida na ƙasar Spain, tare da mai ɗakinsa Sarauniya Letizia, sun kai wata ziyara ta tarihi a birnin Ceuta na yankin Spain da ke kusa da Arewacin Afirka, karon farko da ya ziyarci yankin cikin kusan shekaru 20, kuma ziyarar na zuwa ne a matsayin nuna goyon baya ga mazauna birnin bayan wani babban rikicin jinkai da na tsaro da ya ɓalle a ƙarshen watan Yuli.

A Jamhuriyar Nijar gwamnatin ƙasar ta sanar da fashewar wasu bututun ɗanyen mai da Iskar Gas a cikin dajin yankin Diffa, wanda jama’a suka jima suna yekuwar fashewarsa a hukumance.

Shugaban Najeriya Bola Ahmad Tinubu ya sake yin kwaskwarima ga kwamitin yaƙin neman zaɓensa, inda a wannan karon aka shigar da wasu gwamnoni da kuma sanatoci na jam’iyyun adawa, lamarin da ke zaman wani sabon abu a siyasar Najeriya.

Haifaffiyar Somalia Sagal Abdi-Wali ta yi rantsuwar kama aiki a matsayin sabuwar ƴar Majalisar Birtaniya da ke wakiltar Holborn a St Pancras.

Tsohon shugaban Jamhuriyar Dimokaradiyyar Congo, Joseph Kabila ya ƙaddamar da wata sabuwar haɗakar siyasa da soji tare da ƙungiyar ƴan tawayen M23 mai samun goyon bayan Rwanda, wadda ta karɓe iko da akasarin sassan gabashin ƙasar.

Lamurra sun fara daidaita a Mekelle babban birnin Tigray bayan da sojojin gwamnati suka kammala karɓe iko da yankin yayinda ƴan tawayen na TPLF suka fice zuwa garuruwan bayan gari a wani yanayi da tankiya ke tsananta tsakanin Habashar da maƙwabciyarta cike da fargabar yiwuwar ɓarkewar yaƙi.

Asusun bada lamuni na duniya IMF ya faɗaɗa hasashensa kan yiwuwar haɓakar tattalin arziƙin da Najeriya zata samu a shekarar nan zuwa kashi 4.2 kodayake ya kuma yi gargaɗi kan yadda hauhawar farashin kayakin masarufi ka iya sake jefa miliyoyin ƴan ƙasar a matsanancin talauci da ƙarancin abinci.

Ƙungiyar kare hakkin Ɗan Adam ta Human rights watch ta bukaci ƙasar Senegal da ta dakatar da aiwatar da dokokin haramta auren jinsi, ko mu’amala tsakanin mutane biyu masu jinsi ɗaya ko kuma yaɗa manufofinsu kafin lokacin gudanar da gasar wasannin guje-guje da tsalle-talle ta Olympics na matasa da za’a a gudanar a ƙasar cikin watan Nuwamba mai kamawa.

Ƴan tawayen Houthi na ci gaba da nausawa birnin Taiz na Yemen inda cikin sa’o’i 24 da suka gabata suka kai tarin hare-hare har a asibitin birnin wanda ya jikkata mutane a wani yanayi da ɗimbin jama’ar birnin suka bijirewa umarnin ƴan tawayen na barin gari cike da alwashin baiwa yankinsu kariya daga barazanar.

Matatar Dangote ta tsawaita wa’adin da ta bai wa jama’a don sayen hannun jari a kamfanin da makonni biyu wato dai nan da 27 ga watan Oktoba, wanda a baya aka tsara rufe wa a gobe talata 13 ga watan Oktoba.

Sabuwar yarjejeniyar lafiya ta dala biliyan 5 da Najeriya ta shiga tsakaninta da Amurka ta tayar da ƙura bayan da wasu ƙasashen Afrika suka ƙi shiga makamanciyarta sakamakon zargin tatsar bayanan ƴan ƙasarsu ba bisa ƙa’ida ba.

Najeriya ta cika shekaru goma ba tare da aiwatar da hukuncin kisa daga hannun gwamnati ba, lamarin da ya sake tayar da kiraye-kirayen ƙungiyoyin kare haƙƙin ɗan Adam na neman a samar da doka da za ta tabbatar dakatar da irin wannan hukunci a hukumance a ƙasar. 

A Najeriya ƴan ƙasar na ci gaba da shiga ruɗani bayan da hukumar zaɓe INEC ta sanar da sakin sunayen jerin ƴan takara na ƙarshe ba tare da sunayen wasu ƴan takarar jam’iyyun adawa ba, ko da yake da fari hukumar ta musanta ingancin wannan takarda da ke yawo.

Mahukuntan Algeria sun tabbatar da cafke wasu 'yan Morocco 61 a farkon wannan wata, a bisa tuhumarsu da shirin aikata laifuka na yi wa ƙasa zagon ƙasa ta fuskar tsaro.

Gwamnatin ƙasar Ghana, ta amince da ƙirƙirar sabuwar dokar hakar ma'adinai, da nufin sauya fasalin yadda ake gudanar da harkokin hakar ma'adinai a ƙasar.

Iran ta ce a shirye take ta shiga tsakani don sasanta rikicin mayaƙan Houthi na Yemen da kuma ƙasar Saudiyya, bayan munanan hare-haren da mayaƙan suka kai filin jirgin saman Riyadh da ya halaka mutane 14 a ƙarshen mako.

Aƙalla mutum guda ne ya mutu, wasu mutane 19 suka samu raunuka, bayan tashin wani bam a Isra’ila yau Litinin lokacin da wasu ɗalibai ke hawa tsaunuka a kusa da iyakar Lebanon.

Shirin Lafiya Jari ce tare da Azima Bashir Aminu a wannan mako ya yi nazari kan matsalar birkicewar al’ada a tsakanin mata, matsala ce da ke matsayin ruwan dare a wannan zamani lura da cewa kusan dukkanin 1 cikin mata 3 akan iya samunta da wannan matsala wadda kuma ba safai aka fiya mayar da hankali akanta ba, duk kuwa da ƙalubalen hakan ga lafiyar mata.

Alƙaluman mutanen da suka mutu a harin ƙarshen mako da ƴan tawayen Houthi suka kai filin jirgin saman Riyadh na Saudiya ya ƙaru zuwa 13 ciki har da wani ɗan Falasɗinu da kuma ɗan Indiya a wani yanayi da ƙasashe irin Amurka da Asutralia ke gargaɗin al’ummominsu da su kaucewa balaguro ta filayen jirgin saman ƙasar mafi ƙarfin tattalin arziƙi a Gabas Ta Tsakiya.

Gwamnatin Burkina Faso ta sanar da ɗaukar matakin haramta fitar da duk wani nau’in gari ko kuma fulawa da ake samarwa daga kayan hatsin da ake nomawa a  ƙasar.

Mahukuntan Jamhuriyar Nijar sun jingine batun ƙara farashin mai bayan da da farko ministan makamashi ya nuna yiyuwar hakan, inda ya ce gwamnati na kashe maƙudan kuɗi wajen sayo mai daga ƙetare don cike giɓin da ƙasar ke fuskanta.

Hukumar hana sha da fataucin miyagun ƙwayoyi ta NDLEA a Najeriya, ta sake kama wata tsohuwa mai shekaru 83 da aka bayyana sunanta da Uloma Sunday da laifin safarar ƙwayoyi, wanda ke matsayin karo na biyu cikin ƴan watanni da jami'an hukumar ke kame wannan tsohuwa wadda ta fito daga jihar Abia ta kudu maso gabashin ƙasar.

Wasu masu haƙar Zinari aƙalla  72 ne suka gamu da ajalinsu, sakamakon hare-haren ta sama  da aka kai kan wani gun haƙar zinari da ke kan iyakar Sudan da Masar,lamarin da wata ƙungiyar Lauyoyin da ke fafutukan kare hakkin bil’adam a Sudan ta zargi Masar da kai harin da ya jikkata mutane da dama bayan waɗanda suka rasa ransu.

Hukumomin tsaron ƙasar Saudiyya sun sanar da samun nasarar kakkaɓo wani makami mai linzami da aka harba kusa da filin jirgin saman King Khalid da ke birnin Riyadh, lamarin da ya janyo tsaiko na wucin gadi ga zirga-zirgar jiragen sama.

Aƙalla baƙin haure 139 ne aka tabbatar da mutuwarsu, yayin da wasu 84 suka ɓace bayan da wani kwale-kwale maƙare da mutane ya kife a gaɓar tekun Djibouti.

Hukumar Tsaro ta Najeriya ta bayyana cewa dakarun sojin kasar sun samu nasarar kashe ’yan ta’adda 36 tare da ceto mutane 50 da aka yi garkuwa da su a samamen da suka gudanar a sassan kasar daban-daban.

A Amurka, wani ɗan bindiga mai shekaru 45 ne ya kashe wasu ƴan uwansa 7 da aboki guda a wani gida a Pennsylvania, kafin daga bisani shima ya ɗauki rayuwarsa a ranar Asabar.

Gwamnatin mulkin sojin Nijar ta ce batada wani shirin ƙara farashin litar mai a sassan ƙasar, a daidai lokacin da ake fuskantar dogayen layuka a gidajen man jihohi da dama, ciki har da birnin Yamai.

Hukumar zaɓen Najeriya INEC ta fitar da jerin sunayen mutanen da zasu yiwa jam’iyyu takarar gwamna a jihohi 28 na ƙasar da zasu shiga babban zaɓe na shekarar 2027.

Etitrea ta nemi Majalisar Ɗinkin Duniya ta shiga tsakani don sasanta rikicinta da maƙwabciyarta Habasha, inda ta ce zargin Addis Ababa na cewar dakarun Etitrea sun kutsa cikin ƙasar tamkar ayyana ɓarkewar yaƙi tsakaninsu ne.

Shugabannin ƙasashe da hukumomi a faɗin duniya sun fara mayar da martani a game da harin da mayaƙan Houthi suka ƙaddamar a Saudiyya jiya Asabar, inda suka bayyana goyon bayansu ga Riyadh.

Aƙalla mutane 12 ne suka rasa rayukansu fiye da 300 suka jikkata bayan harin da mayaƙan Houthi suka kai filin jirgin saman Riyadh na ƙasar Saudiyya a ranar Asabar.

Shugaban Amurka Donald Trump ya yi kira ga al’ummar Ukraine da ta zaɓi sabon shugaba, inda ya zargi Volodymyr Zelenskyy da gazawa wajen tattaunawar kawo ƙarshen yaƙin da suke yi da Rasha, tare da bayar da gudunmawa wajen hauhawar farashin man dizal a Amurka.

Ƴansandan India sun kama tare da tsare ɗaruruwan mutanen da suka fito zanga-zaga ciki harda jagoransu a babban birnin ƙasar New Delhi, waɗanda ke neman shugaban hukumar zaɓen ƙasar yayi murabus daga matsayinsa.

Majalisar Ɗinkin Duniya ta yi gargaɗi game da yawaitar ƴan gudun hijira a tsakiyar yankin Sahel, inda ta ce an tilastawa kusan mutane miliyan huɗu barin gidajensu a ƙasashen Burkina Faso da Mali da kuma Jamhuriyar Nijar.

Iyayen ɗalibai masu hidimar ƙasa 20 da aka yi garkuwa da su a jihar Imo, sun tabbatar da cewar sai da suka biya naira miliyan shida-shida kafin a sako ƴaƴansu.

Dakarun da ke cikin rundunar Sojin Najeriya ta Operation Fansar Yamma mai yaƙi da ayyukan ƴan bindiga a yankin arewa maso yammacin ƙasar sun sanar da nasarar lalata wasu ababen fashewa har guda 3 a jihar Zamfara.

A Najeriya, rundunar Sojin saman ƙasar ta ce ta fara laluben baƙar akwatin jirgin sojojinta ƙirar ATR-42 da ya yi haɗari a jihar Ondo lokacin da ya ke hanyarsa ta zuwa Lagos daga Benin cikin makon da muke bankwana da shi.

Ƙasashen Habasha da Eritrea na zargin juna da faro yaƙi a tsakaninsu, bayan da a jiya Juma’a Habasha ta kai hari kan sojojin da Asmara ta girke a yankin Tigray, lamarin da ke nuna faro yaƙi tsakanin ƙasashen biyu da kai tsaye ke alamta yiwuwar rikicin wanda ya faro daga musayar zafafan kalamai ya iya juyewa zuwa rikicin yanki ba kaɗai yaƙi tsakanin ƙasashen biyu maƙwabtan juna ba.

Asusun bada lamuni na Duniya IMF ya tabbatar da cimma jituwa da mahukuntan Nijar don damƙawa ƙasar ta yankin Sahel bashin kuɗin da yawansu ya kai dala miliyan 203, cikin shekaru 3 masu zuwa, kuɗaɗen da ƙasar za ta yi amfani da su don samar da gyare a ɓangaren tattalin arziƙi.

Cibiyar horas da manyan hafsoshin soji a Najeriya da ƙungiyar shirya wasannin harbi a ƙasar sun ƙaddamar da wani gagarumin shirin ganowa tare da karɓe ɗimbin makaman jama’a suka mallaka ba a kan ƙa’ida ba a ƙasar. Muhammad Sani Abubakar na ɗauke da ƙarin bayani a wannan rahoto da ya aiko mana daga Abuja.