YouTube video by France 3 Bretagne

Laouen e oan o welet ur raktres bannoù-treset gant PV Nova, diwar-benn ur strollad mignoned o sevel ur strollad sonerezh.Kontet eo an istor gant kalz fent, Lucien a zo lentik met plijout a ra dezhañ son taboulinoù. E vignon Camille a zo en e aes ha merc'hetaer, son a ra gitar hep bezañ sirius-tre. Klask a reont unan da son gitar-boud ha Léa an hini a zeu da sikour anezho.

Gwechall e veve an dud hag an erevent e peoc'h. Frouezhus e oa an douaroù, laouen an holl. Met tamm-ha-tamm e krogas an dud da n'em gannañ, da vezañ gwarizius, da glask jeu ha ec'h erruas boudoù souezhus, an Druun, da lakaat an dud da vein.An aerouantez Susi a saveteas an holl hervez ar vojenn met ne voe roud ebet ken eus an erevent ha chom a reas rannet ar vro.

Rag hag he zad a vev asambles war an hentoù. Un dek vloaz zo bennak ez eo marvet kazi holl merc'hed ar bed abalamour d'ur c'hleñved-red. Poupig e oa Rag p'eo marvet he mamm. Ur gevredigezh a chom met e diavaez ar c'herioù ez eus kalz tud evelto, o klask bevañ hepken. Un toullad tud a welont war o hent hag a grog da gaout disfiz...

YouTube video by EV - Topic

Film kentañ Creed en doa plijet din a-walc'h. An eil avat a zo un tamm pounner.Viktor Drago, mab Drago, en deus lazhet tad Creed a fell dezhañ n'em gannañ gant Adonis. En desped da bep tra ha d'an holl tro-dro dezhañ e fell dezhañ kemer perzh en emgann-se. Un diviz start peogwir e vir e ditl kampion met gloazet bras eo.

Mont a ra Ellie da Londrez da studial ar c'hrouiñ dilhad. Ur plac'h lentik eo ha sorc'hennet gant ar bloavezhioù 60. Ouzhpenn da se e wel a-wechoù he mamm marv. Nec'het eo he mamm-gozh neuze o c'houzout emañ ar plac'h yaouank hec'h-unan e Londrez.Hunvreal a ra Ellie eus ur plac'h, Sandie, er bloavezhioù 60 just a-walc'h. Da gentañ eo frealzet gant an hunvreoù, a ro awen dezhi evit he studioù hag a sikour anezhi da gaout fiziañs enni.

Miyake a zo erru skuizh gant e labour. N'hall ket ober ar pezh a gar ken skuizh eo. Divizout a ra d'un deiz d'egile reiñ e zilez. Ur mignon a ginnig dezhañ mont da rener ti-post ur gêriadenn war an enezenn e-lec'h ma oa o vevañ gant e familh. Miyake a ziviz mont kuit, hep gouzout pezh a c'hoarvezo.Ul lusk all, ul labour all, ober anaoudegezh gant an dud a boazioù ar vro, setu marteze ar pezh en doa Miyake ezhomm.

Streameuse depuis 2012 et ambassadrice Twitch. Actu Jeux Vidéo chaque après-midi, cartes de collection le dimanche. Contact pro : contact.damdamlive@gmail.com

The New Zealand actor, who was born in Northern Ireland, died in Sydney. "The loss was sudden and unexpected," his family say.