«Herri oso bat» ordezkatuko du euskal pilota selekzioak Munduko Txapelketan. Euskadiko Euskal Pilota Federazioak Gasteizen aurkeztu du Argentinan eta Uruguain lehiatuko den selekzioa: 41 pilotari ariko dira. Urriaren 15etik 24ra jokatuko dute txapelketa, eta euskal selekzioa lehen aldiz ariko da Munduko Txapelketa nagusi batean.

Prefetak berretsi du herriko etxeek ezin dutela euskara ofizialki aitortu. Frantziako Estatuko ordezkariaren hitzetan «ofizialki» terminoa erabiltzea da arazoa. 2018an Euskal Elkargoak formulazioa hori erabili bazuen ere, prefetak ezetz dio.

Euskotren eta metroaren arteko tren aldaketa doakoa da gaurtik Txorierrin. Datorren urtean Bizkaiko garraiobide guztien arteko aldaketa debaldekoa izateko sistema probatuko dute

Lecornuk finantza merkatuak baretzeko aurrekontua egin du. Defizit publikoa %5era jaisteari lehentasuna eman dio, zorra ez dadin askoz gehiago hazi. Soldata publikoak eta pentsio ugari inflazioaren azpitik handitu nahi ditu, eta beste gastu sozial batzuk izoztu.

Ana Morales itzultzaileak Drakularen gazteluko ateak ireki dizkio euskal irakurleari. Misterio zaleek Bram Stokerren eskutik ezagutu zuten Drakula banpiro hagin zorrotz eta azkazal luzeduna, eta lehen argitalpenetik mende pasatxoren ondoren, Moralesek itzuli du euskarara. Istorioak genero rolak hankaz gora jartzen dituela kontatu du.

Pipilotti Rist artistaren 'Ever is Over All' bideo instalazioa ikusgai jarri dute Bilboko Guggenheim museoan. Bi piezaz osatutako lana da, bideo artearen munduan «historikotzat» hartzen direnak. Datorren urteko urtarrilaren 17ra arte egongo dira ikusgai.

Etxean euskara eta gaztelania erabiltzen dituztenen ehunekoa bikoiztu egin da Nafarroan: %6tik %13ra hamar urtean. Hizkuntzen etxeko erabilerari buruzko inkesta argitaratu du Nastat institutuak. Hiztun elebidunen kopuruak hamabi puntu egin du gora, %22raino. Gaztelania soilik erabiltzen dutenak %86,7 ziren 2016an, eta %77 dira orain.

Gazte euskaltzaleen burrunba. Burrunba eguna antolatu dute Urnietan eskualdeko gazte euskaltzaleek. Burrunba proiektua ezagutarazi nahi dute horrela. Euskararen inguruko kezkatik abiatuta antolatzeko beharra azpimarratu dute Astigarragako, Hernaniko eta Urnietako gazteek.

Basozaindariak abiarazi dute, herritarrak basoen zaintzan inplikatu daitezen. Gipuzkoako Foru Aldundiaren Basotik fundazioak eta Real Sociedad fundazioak jarri dute martxan egitasmoa. Lau ekimen parte hartzaile aurkeztu dituzte, eta 500 herritar mobilizatu nahi dituzte guztira.

Lirikari izkin egiten zion poesia bat: 'Bitartean heldu eskutik' liburua oholtzaratuko dute Kirmen Uribek eta Mikel Urdangarinek Bilbon. Mende laurdena beteko du aurten liburuak, eta bertako testuekin osatutako irakurraldi musikatua eskainiko du bikoteak Bilboko Arriaga antzokian, abenduaren 2an.

Salgai daude Korrontzik laurogei musika talderekin egingo duen emanaldirako sarrerak. Otsailaren 13an taularatuko dute Korrontzi Dantzan ikuskizuna, Barakaldoko BEC erakustazokan.

Teknologia eta ingurune digitala, emakume adituen ahotik. EITBren Guau audio plataformak 'Gladysen haritik' bideopodcasta estreinatuko du gaur. Hiru Damatxok ekoitziko du; Puntueus fundazioaren, EHUko Informatika fakultatearen eta EITBren ekimenez jarri dute martxan. Elene Mendizabalek aurkeztuko du.

Arabako esku hartze sozialeko hitzarmena sinatu dute ELAk eta CCOOk, LABen eta ESKren gaitzespenarekin. Uztailean iragarri bezala, ELAk eta CCOOk patronalarekin lorturiko akordioa formalizatu dute, eta «ekiparaziorako bidean urrats bat» dela defendatu. LABek eta ESKk, berriz, «erabat gaitzetsi» dute akordioa. «Soldatak» dira arbuioaren arrazoi nagusia.

Frantziako unibertsitate batzuek ere bat egin dute protestekin. Herrialde osora zabaldu da ikasleen mobilizazioa. Gutxienez, mila pertsona atxilotu dituzte azken egunetan.

Zazpiak batera dantzan. Larunbatean Euskal Herriko Dantzari Eguna ospatuko da Zizur Nagusian. 51 dantza taldek hartuko dute parte.

Auto salmentak %16 egin zuen gora irailean Hego Euskal Herrian. Matrikulaturiko autoen %26,9 elektrikoak izan ziren, iazkoen adina bi.

Pasaiako portuak edukiontzien zerbitzua ematea nahi dute Gipuzkoako enpresek. Gaur egun ez du halakorik, eta Bilbora jotzen dute. Trenbidearen eta portuaren arteko lotura indartzea ere begi onez ikusten dute.

Txotxongilolarien «kohesiorako» topaketa. Euskal Herriko txotxongilolarien topaketa egingo dute Bidasoaldean, hirugarren aldiz. Bihar hasiko da, eta igandean amaitu. Sektoreko profesionalek indarrak batzea eta elkar laguntzeko sare bat osatzea du xede.

ETB1en ikusle kuota %25 jaitsi da abuztutik irailera EAEn. Irailean, euskarazko kateak %2,1eko batez besteko kuota bereganatu du; ETB2 kateak %8,5eko kuota izan du; ETB1 On kateak, berriz, %0,1ekoa.

Entzute prozesua abiaraziko du Jaurlaritzak, euskararen inguruko «ahots guztiak» ezagutzeko. Euskararen Ahotsak ekinaldiaren bidez, «afektuak, tentsioak, beldurrak eta nahiak» atzeman nahi dituzte. Jauzia Gara prozesuaren baitan egingo dute azterketa, eta emaitzak 2027ko uztailean jakinaraziko dituzte.

✍🏼 Julen Orbea Bereikua: ''Cubarauis''. Irakurri osorik, hemen 👇🏼

Loiuko aireportuari Agirre Lehendakaria izena jartzeko eskatu du Eusko Legebiltzarrak. EH Bilduk egin du proposamena, baina EAJren eta PSE-EEren zuzenketa onartu da. Eskaera hori sortu berria den aireportuen aldebiko organoan aurkeztuko du Jaurlaritzak. Aenak du azken hitza.

Amorante elektronikoago eta gordinago bat. Inoizko oinarririk elektronikoenak baliatu ditu Amorantek bere hirugarren disko luzea osatzeko: 'Ez dot amaitu'. Bere kantaerarekin ere baketu egin dela dio musikariak, eta ahotsak abestietan hartzen duen presentzia da horren erakusle.

«Francok ezin hobeki pentsatu zuen jabetza pribatua zela gizarte osoa benetan indartu zezakeena, eta hala da». Francisco Francok jabetza pribatuari buruz zuen iritzia goraipatu du Javier Taberna Nafarroako Merkataritza Ganberako presidenteak. Espero du ez direla onartuko Espainiako Gobernuaren etxebizitza dekretuak.

Elkar hartuta lortu dute arrakasta Imanol Arriortuak eta Mikel Aristik. Bikain amaitu dute denboraldia, txirrindularitza egokituko munduko txapeldun izan baitira. Aristi txirrindulari profesionala izandakoa da, eta berak egin ditu gidari lanak. Arriortuak ikusmen arazoak ditu, eta tandema erabiltzen erakutsi dio Aristiri.

Bi atxilotu Gasteizen, indarkeria matxista egotzita. 40 urteko gizon batek bere seme-alabei heriotza mehatxuak egin zizkien, eta bere bikotekide ohiaren egungo bikoteari eraso egin zion. 57 urteko gizon bat, berriz, kalean bikotekide ohiari eraso egitea egotzita atxilotu zuten.

✍🏼 Jose Ignazio Ansorena Miner: ''Reset' pozgarria'. Irakurri osorik, hemen 👇🏼

✍🏼 Sara Azurza: 'Sinestearen indarra'. Irakurri osorik, hemen 👇🏼

✍🏼 Ekhi Erremundegi Beloki: 'Udazken beroa'. Irakurri osorik, hemen 👇🏼

AEBetan emakumezko bat exekutatzeko bi saiakerek huts egin dute. Ospitale batera eraman dute Christa Pike presoa. 40 minutuko agonia bat nozitu du. Bertan behera utzi dituzte urte bukaera arte Tennesseen aurreikusita zeuden exekuzioak.

Astelehenetik irauten duten Frantziako mobilizazioei lotu zaizkie ikasleak hezkuntzarako baliabide gehiagoren eskatzeko, bai eta orain arte erabilitako indarkeria poliziala salatzeko ere. Cassin, E...

Bagdadek esan du jada hasi dela Iranen aldeko miliziak armagabetzen. Al-Zaidi Lehen ministroaren arabera, 2027ko ekainean amaituko da armagabetze prozesua. Iranen aldeko miliziek uko egin diote armak entregatzeari.

✍🏼 Argia Etxeberria: 'Irundik EHUrako garraioa hobetu'. Irakurri osorik, hemen 👇🏼

🗣 Zigor Iturbe eta Cristina Palmese. Soinua gatazka iturri izan daiteke, baina, halaber, komunitate baten jardueren isla ere bada. Aldagai hori hiri plangintzetan txertatzeko beharra dagoela uste dute Iturbek eta Palmesek.

EH Bilduk EAJri eskatu dio etxebizitzaren bi dekretuen alde egiteko bihar Espainiako Kongresuan. Nerea Kortajarenak uste du egoerak «erantzukizunez» jokatzea eskatzen duela. Stop Kaleratzeak-ek bi dekretuak babesteko eskatu die Hego Euskal Herriko alderdiei, etxebizitzaren arazoari «irtenbideak» ematen dizkiola iritzita.

✍🏼 Mirene Beriain Rodriguez: 'Saioa itxi, klik'. Irakurri osorik, hemen 👇🏼

Larrialdi sirenak entzungo dira urriaren 6an Araban, isuri toxikoen simulakroagatik. Lantarongo herrian kokaturiko enpresa kimikoetan gerta litezkeen isurien aurrean, urtean bitan egiten da simulakroa. Inguruan dauden eta mobiletan SOS Deiak aplikazioa deskargaturik duten hiritarrek abisuak jasoko dituzte.

Hamaikak Reala-Athletic finala emango du bihar, zuzenean. Euskal Herria Txapelaren finala Hamaikaren webgunean ere ikusteko aukera izango da bihar, 19:00etatik aurrera.

✍🏼 Itxaro Borda: 'Lotofagoak'. Irakurri osorik, hemen 👇🏼

29 urteko gizon bat atxilotu dute Barakaldon, bikotekideari tratu txar jarraituak ematea egotzita. Emakumea kalean aurkitu zuten, bizkarrean kuter batekin egindako zauriak eta erredurak zituela.

Kurduak eszeptiko bake prozesuaren inguruan. Abuztuan, Turkiako Parlamentuak onartu egin zuen ekintzaile kurduei amnistia partziala ematea, baina Ankarak ez du inolaz ere eskubide kulturalen eta politikoen inguruan negoziatu nahi Abdullah Ocalan buru duen miliziarekin.

Beatriz Artolazabal jeltzalea Espainiako senatari izendatu du Eusko Legebiltzarrak. Gaur arte Gasteizko Udaleko lehen alkateorde izan denak Madrilerako bidea hartuko du. Aldeko 39 boto izan ditu ganberan, eta 36 boto zuri.

✍🏼 Oihana Arana: 'Ikasketa-ibilbidea'. Irakurri osorik, hemen 👇🏼

🗣 Xabi Azpiroz. Azpirozek lehen aldiz jokatuko du buruz buruko finala, larunbatean. Barrenetxea IV.a jo du faboritotzat, baina sinetsi egiten du bere buruan. Kezkatuta dago erremontearen etorkizunarekin. «Oso gaizki ari gara pasatzen. Etsigarria da».

✍🏼 Ander Perez Argote: 'Ezinezkoaren alde'. Irakurri osorik, hemen 👇🏼

EH Bilduko zortzikotea: plazetara egokitutako jarraitutasuna. Duela lau urteko bozetako emaitzak hobetzeko erronka dute koalizio abertzaleko hautagaiek. Donostian, Gasteizen eta Iruñean garaile ateratzeko benetako aukera dute.