Hondarribiko senegaldar komunitateak samina eta haserrea erakutsi ditu kalean, udaltzain batek Babacar Weler tiroz hil duela eta. Udal gobernuko ordezkariak eta Senegalgo kontsula ere izan dira han.

«Espekulazioaren kontrako eta etxebizitza eskubide bermatuaren aldeko» manifestazioetara deitu dute ostiralerako. Euskal erakunde publikoen rola eta alderdi politikoen interesak ere kritikatu dituzte.

Realak 4-0 irabazi dio Heartsi, eta Europa kopako final-zortzirenetarako sailkatu da. Txuri-urdinek lehen zatian utzi dute erabakita kanporaketa, hiru gol sartu baitituzte. Oso nagusi izan dira, eta nagusitasun hori markagailuan islatu ahal izan dute. Caminok, Campok, Paula Fernandezek eta Ainhoa Marinek sartu dituzte golak.

Ion Izagirrek eskumuturra apurtu du eta ezingo du bizikleta gainean agur esan. Oiartzuarrak erorikoa izan du eta ezingo du jokatu Lonbadiako Tourra, bere azken lasterketa izan beharko lukeena.

Gizon bat hil da Bermeon, traktorea iraulita. 78 urteko gizona maniobra bat egiten ari zen traktorea irauli gainera erori zaionean.

Jaurlaritzak Errekonozimendu Koadernoak banatu dizkie ETAren eta Iraultzaren 22 biktimaren senideei. Maria Jesus San Jose Justizia eta Giza Eskubideen sailburuak erran du gizarte demokratiko batek ezin duela gertatutakoa ahaztu.

‘Basoko murmurioak’ programak emango dio hasiera BOSen denboraldi berriari, bihar. Hamazazpi programak osatuko dute Bilboko Orkestra Sinfonikoaren 2026-2027 denboraldia, denak ere 'basoa' gaiak ardazten dituela. Leire Bilbao idazlea izango da aurtengo artista egoiliarra, eta programa bakoitzeko poema bana sortuko du.

Itunak proposatu dizkio Etxanobek oposizioari, baina zail ipini diote. Legealdiko politika orokorreko azken bilkura egin dute Bizkaiko Batzar Nagusiek. Fiskalitatean EAJrekin duen talka agerian utzi du PSE-EEk berriro. EH Bilduk diputazioari leporatu dio azken negoziazioetatik kanpo utzi dituztela.

Hil egin da zezen batek Lodosan zauritutako emakumea. Bilboko 25 urteko emakumea da. Zezena hesiaren eta harmailen arteko pasabide batera sartu zen.

Iruñeko Topaketen irekiera aurreratu bat, 400 ikasleren «begiradek» osatutako erakusketa batekin. Topaketen Eskola programaren harira hamahiru ikastetxetan eginiko tailerretako esperientziak bildu dituzte, eta Kondestablearen jauregian dira ikusgai. Landutako gaiek lotura zuzena dute biurtekoaren aurtengo egitarauarekin; etzi hasiko da ofizialki.

Inflazio handiko testuinguruan, Eroskik 65 milioi irabazi ditu lehen seihilekoan. Otsailetik uztailera, 3.061 milioi fakturatu ditu, iaz epe berean baino %4 gehiago.

Hartzekodunen konkurtsoa eskatu du Olazabal y Huarte fundizioak. 30 lanpostu daude arriskuan. LABen arabera, jabeen «kudeaketa txarragatik» heldu dira egoera horretara.

Euriborra %3,24ra igo da irailean, 2024tik mailarik gorenera. Laugarren hilabetez jarraian egin du gora, eta duela urtebete baino 1,07 puntu handiagoa da.

Iruñeko Udalak Maria Luisa Elio zinemagile iruindarra omenduko du urrian. Ehun urte igaro dira Elio jaio zenetik, eta, urtemuga horren harira, hainbat ekintza kultural antolatu dituzte. Jarduera horietan, besteak beste, poesia, antzerkia, zinema eta literatura landuko dituzte.

Xabier Leteren poemak New Yorkeko plazara. 'Xabier Lete. 60 poems' antologia elebiduna kaleratuko du New Yorkeko Columbia unibertsitateak. Kirmen Uribek sustatu du liburua eta Lourdes Otaegik eta Alex Gurrutxagak egin dute hautaketa.

Justizia Aranarentzat plataformak tiro egin zuen ertzainaren burua ez ikertzea salatu du. Gaur zen deklaratzekoa Iker Arana larri zauritu zuen ertzainaren kargu zegoen polizia, lekuko gisa. Plataformak orain arte izandako oztopoak ere salatu ditu; tartean, lekukoen deklaraziak atzeratu izana.

Jaurlaritzak diruz lagunduko du Gasteizko Mercedesen ekoizpen malgua garatzeko proiektua. Datozen hiru urteetan 181 milioi euroko inbertsio publiko-pribatua egingo dute Gasteizko lantokian ibilgailu elektrikoak zein konbustiokoak ekoizteko. Mercedesek 20 miloitik gora jarriko ditu, eta hainbat enpresak parte hartuko dute.

Ostiralean hasiko dira Dantzan Bilaka jardunaldiak, Uharten. Larunbatera arte egingo dituzte jarduera koreografikoak, lehen aldiz, Uharteko Arte Garaikideen Zentroan. Besteak beste, Angela Rodriguezen, Nerea Gurrutxagaren eta Jon Garridoren piezak ikusi ahal izango dira.

Nafarroan eraikitako proiektu berriztagarriek 147 milioi euro eman dizkiote ogasunari. Azken lau urteetan onartutako egitasmoek aurreko hiru hamarkadatako potentzia bikoiztu dute Nafarroan. Enerclusterrek bultzatutako kanpainak aldarrikatu du proiektuen tramitazioa «oso zorrotza» dela Nafarroan, eta onurak «kalteak baino handiagoak»

Urteko lehen erdian EAEko zor publikoa handitu egin da, eta Nafarroakoa jaitsi. Eusko Jaurlaritzak beste 943 milioi euro pilatu ditu urtebetean, bereziki industrian inbertsioak egiteko. Nafarroako Gobernuak 201 milioi amortizatu ditu.

Zupiriak esan du Ertzaintzak behar bezala jardun zuela Munduko Kopako finaleko istiluetan. Eusko Jaurlaritzako Segurtasun sailburuak azpimarratu du prebentzioa lehenetsi zutela, eta Poliziak partida ikusteko eta manifestatzeko eskubideak «bermatu» zituela.

AEBek azken tropak erretiratu dituzte Iraketik, eta ziurgabetasuna da nagusi orain. Washingtonen tropak Iraken egon dira ia hogei urtez. Orain Irakeko estatu indarrek izango dute herrialdearen defentsa bermatzeko ardura. Gobernuak Iranen aldeko miliziak armagabetzea du helburu orain.

Otegi Puigdemontekin batzartu da, bi alderdien arteko elkarlana indartzeko asmoz. Waterloon elkartu dira EH Bilduko eta JxCko buruzagiak, koalizio subiranistak alderdi ezkertiar eta subiranistekin hasitako errondaren barruan. Espainiako Estatuaren «izaera plurinazionalean» indar egin dute.

Edarietan eskopolamina azkar atzemateko gailu bat garatu dute EHUn. Sumisio droga da eskopolamina, eta sexu erasoak egiteko erabiltzen da. Gailua edarian sartu eta hamar minutuan ikus daiteke emaitza.

Barruraino zulatuz. ‘Digger’ Alejandro Gonzalez Iñarritu zuzendari mexikarraren pelikula berria da. Digger Rockwell izeneko gizon boteretsuak bere erabakien ondorioei aurre egin behar die munduaren amaiera eragozteko.

Patti Smith, Bad Religion eta Marilyn Manson izango dira Azkena Rock jaialdiaren 25. urteurrenean. Antolatzaileek datorren urteko egitarau osoa iragarri dute gaur. Ekainaren 17tik 19ra egingo dute festibalaren 25. aldia, eta 60 talde igoko dira Mendizabalako oholtzetara. Ohiko lau eszenatokiei bosgarren bat gehituko diete.

✍🏼 Blanca Urgell: 'Nekez'. Irakurri osorik, hemen 👇🏼

Hondarribian Babacar Weleri tiro egin zion udaltzaina kargutik apartatu dute. Euspel sindikatuak bere gain hartu du poliziaren defentsa, eta «babes osoa» azaldu dio. Zupiriak esan du «arrisku handiko» egoera bat izan zela, eta gehitu du epaitegiak ebatzi beharko duela auziaz.

Ceutan migranteak «torturatu» dituztela salatu du AIk. Amnesty International gobernuz kanpoko erakundeak esan duenez, Espainiako indar armatuetako kideek etorkinak mehatxatu dituzte Ceutatik ihes egin dezaten.

✍🏼 Itxaro Borda: 'Kolapsoa'. Irakurri osorik, hemen 👇🏼

✍🏼 Gaizka Izagirre: 'Atzeko gelak'. Irakurri osorik, hemen 👇🏼

Sopelako Udalak bere burua eskaini du Auzoetxearen eta gotzaindegiaren arteko bitartekaritza egiteko. Bizkaiko Gotzaindegiaren eliza bat okupatu zuten proiektua sortzeko. Gaurtik aurrera edozein egunetan hustu dezakete.

Mila urteko bizilagunak. Hego Euskal Herriko herrixkei buruzko erakusketa bat antolatu du Bilboko Arkeologi Museoak. Induskatutako objektuen, irudien eta testuen bidez, Erdi Aroan sortutako unitate produktibo horien ekonomia, egunerokoa eta sinesmenak aletu dituzte.

Emakume bat larri zauritu da Bilbon, eraikin bateko bosgarren pisutik amilduta. Ertzaintzak ikerketa bat abiatu du gertatutakoa argitzeko. Hiriko Alde Zaharrean izan zen ezbeharra, atzo gauean.

EAJk Ramiro Gonzalez proposatu du Arabako ahaldungai nagusi izateko. Gonzalez 2015etik da ahaldun nagusi; hiru legealdi horietan PSE-EErekin osatu ditu koalizio gobernuak. ABBk Gonzalezen «elkarrizketarako apustua» nabarmendu du.

Trumpek jarraitu ahal izango du papergabeak hirugarren herrialdetara kanporatzen. AEBetako Auzitegi Gorenak ebatzi du behin-behinean bide ematea migratzaileak beren jatorrizko herrialdea ez den beste batera kanporatzeko prozedurari.

✍🏼 Garazi Kamio Anduaga: 'Sinkronia'. Irakurri osorik, hemen 👇🏼

Jokin Zamarbide musika sustatzaile eta Soñua diskoetxearen sortzailea hil da. Nola diskoetxean ere aritu zen, eta In&Out Produccions enpresaren zuzendari jardun da azken hiru hamarkadetan, arrebarekin. Hertzainak, Barricada, La Polla Records eta Kortatu taldeen zenbait lanetarako ekoizle aritu zen. 68 urterekin zendu da.

Arma historikoak eskuratzeko baldintzak zorroztea proposatu du Peio Dufauk Frantziako Asanblean. Goiz honetan pausatu du lege proposamena Parisen. Federico Martin Arambururi bildumako arma historikoekin egin zioten tiro Parisko erdigunean 2022an, eta hilketa horri bide eman zion «hutsuneari» aurre egin nahi dio diputatuak.

#txapelpekoak 'Bertsolaritza: denboraren joanean irautea' dokumentalaren hirugarren atala. 'Gaiak eta gai jartzaileak' du izena, eta bertsolari bat eta bi gai jartzaile arituko dira solasean: Beñat Gaztelumendi, Maite Berriozabal eta Imanol Artola 'Felix'.

✍🏼 Onintza Enbeita: 'Bihar'. Irakurri osorik, hemen 👇🏼

Burnhamek adierazi du Erresuma Batua EBra itzultzea aukera bat dela. Erresuma Batuko lehen ministroaren esanetan, aukera guztiak daude mahai gainean. Azken hamar urteotan gisa horretako planteamendu bat egiten duen lehen gobernuburua da.

✍🏼 Oihana Arana: 'Hirurogei'. Irakurri osorik, hemen 👇🏼

Zerbait berria aurkeztuko dute Durangoko Azokan. Euskal musikariak eta musikazaleak batuko dituen egitasmo berri bat izango da. Abenduaren 5ean aurkeztuko dute.

Etxebizitza sindikatuek manifestazioak deitu dituzte etzirako Hegoaldeko lau hiriburuetan. «Espekulazioaren kontra eta etxebizitza eskubide bermatuaren alde» mobilizatuko dira. Madrilek atzo onartutako dekretua ez dela nahikoa uste dute: «Testuak ez dakar aurrerapauso nahikorik eta iraunkorrik etxebizitzaren arloan».

✍🏼 Juan Carlos Etxeberria: 'Ez amore eman'. Irakurri osorik, hemen 👇🏼