iiinova — where your digital self keeps evolving

يمكن تكون الحياة اللي محدش فيها بيزعجك، هي نفسها الحياة اللي محدش محتاجك فيها بجد، لأن الراحة التامة أحياناً مش معناها إنك عايش صح، قد تكون معناها إن مفيش حـد شايفك سند.

091

أوقات بحس إن السوشيال ميديا مدينة، وإحنا كلنا ساكنين فيها، كل واحـد بني بيت علي مزاجهُ، وفتح شباكه للناس، هتلاقي بيت مليان ضوضاء، وبيت مليان حكمة، وبيت مُجرد ما تبُص عليهِ تحس براحة، إنت مش مُطالب تزور الكل ولا تحب أو تعدّل أفكارهم، إختار فقط البيوت اللي روحك ترتاح عند شبابيكها.

1134

جواك طفل لسهُ نفسهُ يعيش من غير ما يخاف، وكبير أتعلم غصب عنهُ إن الحياة مش دايماً رحيمة، وبين محاولتك تحمي الطفل وتكمّل كراجل، إتغيرت ملامحك لدرجة إن الإتنين بقوا مش عارفينك.

040

ساعات مش بتحتاج تبدأ حياة جديدة، إنت بس محتاج تبص للحياة اللي عندك بعين مُختلفة، وتكتشف إن فيها حاجات حلوة كنت مش شايفها.

050

الحرية الحقيقية إنك تحب الحاجة من غير ما تتعلق بيها، تستمتع بوجودها، وتقدّرها، لكن عارف إن حياتك مش هتقف لو مشيت، ساعتها وجودها يبقي إختيار ونعمة، مش إحتياج وسيطرة.

090

"فَضْلًا مِّنَ اللَّهِ وَنِعْمَةً ۚ وَاللَّهُ عَلِيمٌ حَكِيمٌ".

1130

"وَٱدْعُ إِلَىٰ رَبِّكَ ۖ وَلَا تَكُونَنَّ مِنَ الْمُشْرِكِينَ".

051

كمّل تدور علي نفسك قبل ما تدور علي غيرك، دور علي شغفك، أحلامك، سعادتك، وشجاعتك، أعرف قيمتك وأحتياجاتك، وأتصالح مع نفسك، لما تعرف نفسك بجد مش هتبقي محتاج حد يكملك، هتبقي ملك نفسك.

060

مش لازم كل حاجة تعملها تبقي مفهومة أو مقبولة للناس، طول ما إختيارك مريحك ومش بيأذي غيرك، خليه ليك، وإفتكر إن الحفاظ علي خصوصيتك مش غموض، وإن وضع حدودك مش إساءة لغيرك.

040

لما تفضل طول الوقت تثبت إنك شخص كويس لحد بيشك فيك، هتبدأ مع الوقت تشك في نفسك إنت كمان، مش كل حـد محتاج يصدقك، ومش مطلوب منك تفضل تدافع عن نيتك وقيمتك.

1111

بعد العلاقة السامة المعجزة مش إنك تحب تاني، المعجزة إنك ترجع تثق في نفسك، تبطل تبرر للي وجعك وتدافع عن اللي كسرك، وتتمسك بحاجة كان تمنها سلامك، لحد ما توصل للحقيقة الأقسى، اللي حصل مقتلش قلبك لكنهُ قتل النسخة منك اللي كانت مستعدة تخسر نفسها عشان حـد يفضل.

1231