En marto 2026 Mia Vivo estis haltigita de la servila servo pro la kiomo da uzo de la komputilaj rimedoj. Post 10 tagoj la problemo estis solvita, per forigo de pluraj ne tiel necesaj funkcioj. Tiel la retejo reiĝis al normala stato. Mi ricevis novan averton pri la sama problemo: “Mia Vivo uzas tro da komputilaj rimedoj”. Ĉi-foje la servila servo ne haltigis la retejon, sed ĝi postulas ke mi malmultigu la uzadon. La problemo tamen estas, ke ĉio ĉi estas la rezulto de la grandiĝo de Mia Vivo. Kvankam MV ne plu estas tiel populara kiel je la komenco, ĝi bezonas pli kaj pli da rimedoj por zorgi la ĝisnunajn datumojn. Mi jam pagas por la plej bona servo ebla, sed tio baldaŭ ne plu sufiĉos. La servila servo estas relative malmultekosta, kaj tio ebligis min eĉ krei Mia Vivo per mia lima budĝeto. Sed ĉar la servila servo ne ofertas pli bonan servon eĉ kontraŭ pli da mono, mi havas nur tri alternativojn: 1. Serĉi alian servilan servon kaj transdoni ĉion tien. Kosto por transdono ne estas malmulta, sed pli grave, taŭga servilo por niaj nuntempaj kaj estontaj bezonoj kostas almenaŭ kvaroble ol la nuna. Mi ja ricevis mondonojn por la sekvaj du jaroj, sed tio ne sufiĉos eĉ por unu, eĉ se mi povus transdoni ĉion senkoste. Mi certe povas peti pli da mono de vi, la membroj, por daŭrigi la retejon, sed ĉar la mondonoj, kune kun la aktiveco, pli kaj pli malmultiĝas, mi devas esti preta pagi por ĉion mem. Mi simple ne havas tian monon kaj tio faras ĉi tiun alternativon nerealeca. 2. Transdoni Mia Vivo al esperanta asocio, kiu havas la necesajn lerton, monon kaj rimedojn. Tio estas mia prefera elekto, sed ne estas multaj organizoj kiu plenumas la tri kondiĉojn. La plej grandaj neniam montris multe da intereso pri Mia Vivo. Ili ne eĉ respondis al miaj antaŭaj proponoj por kunlaboro. Mi tial dubas ke la E-movado havas la volon savi la retejon. Mi ĝojas se mi estas malĝusta pri ĉi tio, sed mi ne atendas miraklon. 3. Fermi la retejon. Dum 8 jaroj, realigi kaj prizorgi socian retejon por la esperantistaro estis mia revo kaj pasio (unue per Nubo, due per Mia Vivo), malgraŭ la granda kaj longtempa laboro kaj la multaj defioj kaj stultaj misoj. Mia Vivo neniam fariĝis “la interreta Esperantujo”, sed por multaj homoj, ĝi fariĝis loko por amikiĝi, diskuti kaj por montri siajn vivojn, malgraŭ la multaj aliaj alternativoj. Ĉiuj retejoj havas apartajn etosojn. Ankaŭ Mia Vivo, kaj tio evidente tiris certajn homojn al uzi MV kiel la ĉefan socian retejon. Tio ĝojigis min, kaj tio estas la plej granda fonto pri mia malĝojego pro la situacio. Mi plejkore dankas vin por via ĉeesto! Sen vi, Mia Vivo estus nenio! La nuna plano estas fermi la retejon je la fino de la jaro, antaŭ ol mi devos pagi la sekvajaran koston por la plej multekosta servilo. Tio devas doni al vi sufiĉe da tempo ne nur por konservi ĉiujn konservindajn aferojn kiel bildojn kaj tekstojn, sed pli grave por doni al viaj amikoj la informojn por malperdi la kontakton. Pri la donita mono: mi intencas redoni ĉiom, kiom ne estis jam uzata por la jaro 2026. Mi mesaĝos vin kiam mi finkalkulis la sumon. Kun granda amikeco kaj danksento, **Johannes Genberg** Fonto: https://www.miavivo.net/?status/1-1-1790244787/ **Abonu “La Ondon de Esperanto”** por 2026 kontraŭ nur 15 eŭroj kaj ricevu senpage la jarkolektojn por 2024 kaj 2025. Legu pli ĉe https://esperanto-ondo.ru/Lo-abon.htm **La Ondo de Esperanto en Telegramo** : t.me/esperanto_news Vizitoj 59

Minuto en Esperanto — Episode 10

Follow Bonapineo's WhatsApp Channel. Mia Esperanta kanalo. Nur por praktiki, plibonigi mian nivelon kaj daŭre lerni Esperanton. 🔗 https://linktr.ee/bonapineo. Get the latest updates directly on WhatsApp.

Ĉu ni parolu?

Minuto en Esperanto — Episode 1

Esperanto kaj mi Mi ne memoras, kial mi komencis lerni Esperanton. Mi jam konis la internacian lingvon, kiel oni konas la nomon de la ĉefurbo de Svislando, Brazilo aŭ Kartvelio. Estis la somero de 2022. Pro iu kialo mi esperantiĝis. Dum kelkaj semajnoj mi rigardis multajn filmetojn en YouTube, kaj mi pasigis horojn kaj horojn en Vikipedio legante pri Esperanto, ĝia historio, la movado, esperantidoj, Esperantujo… Mi pensis pri tio kelkfoje, sed mi ankoraŭ ne scias. En septembro mi decidis lerni Esperanton serioze. Mi jam lernis per la kurso de Duolingo, kaj mi volis ion pli. Mi enskribis min en kurson A2 ĉe UNED (Nacia Universitato de Distanca Edukado). Tiuj monatoj estis mia plej intensa esperanta periodo. Mi malfermis konton en Mastodon kaj komencis TikTok-kanalon por fari filmetojn en Esperanto, por praktiki kaj diskonigi la internacian lingvon. Mi multe lernis, sed la vivo malhelpis. Mi enskribis min en B2-kurson kaj provis daŭrigi la kanalon, sed tio ne eblis. Dum la sekvaj monatoj mi kabeis. Foje mi denove faris iun lecionon en Duolingo aŭ skribis kelkajn afiŝojn en Mastodon. Sed mi kabeis. Kaj poste mi revenis, ĉar mi volis esti esperantisto, sed mi ankoraŭ ne parolas bone. Kion fari por ne ripeti la eraron kaj denove forlasi nian lingvon? Mi ne scias. Momente mi penas havi ĉiutagan kontakton kun la lingvo por daŭre lerni ĝin: legi novaĵojn, spekti filmetojn, viziti sociajn retejojn… Mi ankaŭ pensas pri aliĝo al esperanta asocio. Mi ne memoras kiam mi ekkonis Esperanton, sed mi scias, ke mi volas esti esperantisto.

Esperanto sukcesis. Jes, Esperanto sukcesis. Ĝi ne venkis, sed tamen sukcesis. Tiu aserto povas surprizi, ĉar en tradiciaj amaskomunikiloj oni ofte parolas pri Esperanto kiel pri “morta lingvo” aŭ “malsukcesa projekto”. Sed mi ne konsentas. Vere, Esperanto ne fariĝis la internacia lingvo, kiun Zamenhof imagis. Tamen mi pensas, ke ĝi sukcesis. Unue, ĉar pli ol 140 jarojn poste oni ankoraŭ parolas ĝin. Ekzistas muziko, retpaĝoj, kaj originala kaj tradukita literaturo. Multaj homoj komencas lerni ĝin ĉiutage. Pro tio Esperanto estas viva lingvo. Due, ĉar Esperanto evoluas. Ĝi ŝanĝiĝas laŭ la uzo de homoj. Por mi, kiu studis filologion, tio estas nekredebla afero por planita lingvo. Ekzemple, la preskaŭa malapero de la sono ĥ aŭ la apero de la sufikso iĉ-. Ĉu Zamenhof atendis tion? Mi ne scias. Sed unu afero estas klara: lingvo, kiu vivas kaj evoluas, ne povas esti malsukcesa.